جارێوەتەر قەرارو قەڎەغەو دیڎاری چنی بنەیانەی دژوو رابەرو گەلوو کوردی بەرشی
قەڎەغەکەردەی سەردای و چەمپنەکۊتەی چنی بنەیانەکا پەی ماوەو ٣ مانگا تەری جە دژوو ڕابەرو گەلوو کوردی عەبدوڵا ئۆجالانی و ٣ زیڼانیەکا تەرو ئیمرالی بەرشی.
ڕابەرو گەلوو کوردی عەبدوڵا ئۆجالان و زیڼانیا تەرو ئیمرالی حامیلی یڵدرم، عومەر خەیری کونار و وەیسی ئاکتاش، کە ماوەو ٤ ساڵان ئینۍ گۆشەگیری ڕەهانە و چا ماوەنە هیچ زانیاریێوە سەرو ئاژەیشا بەدەس نەیاوان و ڕاگیری مکریۆ جە دیڎاری چنیشا، پەی ماوەو ٣ مانگا تەری جە چەمپنەکۊتەی چنی بنەیانەکاشا مەحروومۍ کریۍ.
دادگاو جابەجێکەردەی سزاو بورسای جوابوو داواکاری پارێزنەراش سەبارەت بە سەردای بنەیانەکا داوە. دادگا ئەرەیاۋناش کە "سزاو دیسپلینیی" تازەی جە لایەنو سەردارو دەسەو دیسپلینییوە سەرو ڕابەرو گەلوو کوردی عەبدوڵا ئۆجالانی و زیڼانیا تەریرە سەپیان.
جە قەرارەکەنە "سزاو دیسپلین"ی تازەی باس نەکریان. داواکاری پارێزنەرا پەی هۊرگېرتەی زانیاری و بەڵگەنامەی سەبارەت بە دۆسیەکەی ڕەڎکریاوە. پارێزنەرا سەرو قەرارو "سزاو دیسپلین"ی سکاڵا جە دادگاو باڵاو سزاقورسەکا بورساینە تۆمار مکەرا.
