بەسەڎان کەسۍ جە ئەرەنېشتاو مەنتېقەکاو کانتۊنو قامېشلۊی ( دێرک ، گرکۍ لەگۍ ، چلئاغا ، تل کۊچەر) جەنازەو شەڕڤانو یەکېنەکاو پارێزناو ژەنا (یەپەژە)ی "سەنا عەلی" ئەشناسېۍ بە '' نوپەل تێکۊشەردێرک" ێشا جە نەۋەشخانەو گەشمەرڎە ھۊگر دێرک-یۊ ھۊرگێرتۊ پۍ زیارەتگای ڕەۋانەشا کەرڎە.

جە زیارەتگاو گەشمەردە خەبات دێرکی مەراسېمو خواحافېزی بە دەیەقێۋە بێڎەنگی پۍ ڕێزگێرتەی جە یاڎو گەشمەرڎا دەسش پنەکەرڎ. ئەنڎامو ئەنجومەنو بنەیاناو گەشمەرڎا دێرکی

جۋان عەلی سەرنجش ھوست سەرو مڎرامانو ژەنا جە کورڎسانەنە.

شەڕڤانەو یەپەژەی ڕۊژبېنە گەلھاتېش باسش جە تایبەتمەنڎیەکاو گەشمەرڎۍ '' نوپەل تێکۊشەر"ۍ کەرڎو ۋاتش؛" نوپەلە نمونەو مڎرامانی بۍ و پۍ ئازاڎی گەلەکەیش ئەرەکۊشا". ئێمە ڕاو گەشمەرڎا ۋەرمەرەیمۍ.

دماتەر بەڵگەنامەو گەشمەرڎەبیەیش ۋنیاۋەو ڕادەسوو بنەیانەکەیش کریاۋە. جەنازەو گەشمەرڎە نوپەل تێکۊشەرۍ بە ھەلھەلە ئەسپەرڎە بە خاکی کریا.

بەپاو ئەرەیاۋنێۋە فەرمانڎەیی گرڎی یەپەژەی کە ئارۊ ۋەڵا کریاۋە، نوپەل تێکۊشەرە ڕۊو ١٨ و کانونو دوۋەمی جە ئاکامو تۊپ ۋارانو دۊڵەتو ترکی ئەرەگېری پۍ سەرو عەین عېسای زامڎارە بیەو ڕۊو ٧ و شوباتی گەشمەرڎۍ بېە.

ھ.ش