جەنگاوەراو ئازاڎی کورڎەسانی (ماک) جە بەیاننامێوە نویسیانە ئەرەیاۋناش: "جە ٢٢ۍ ئەیلولی، نزیک بە سەعات ٢٢:٠٠ جەنگاوەرەکێما هرووژمشا کەرڎ سەرو پۆلیسی ئەرەگیری کە گەڕەکەو ئۆرمانینە جە گەڤەر خجڵۍ ۋشکنای شناسنامەو خەڵکی بێنۍ."

جە درێژەو بەیاننامەکەینە ئامان: "جەنگاوەرەکێما بە شێوێوە قەوەت بە تەقەمەنی وەشکریا و گەمە ئێرینەکا ئەرەگیرەکێشا کەرڎۍ ئامانج. جە ئاکاموو چالاکییەکەینە ئەرەگیرەکۍ کە تووشو تەرسۍ گۆرۍ بیۍ، بە خێرایی بەرەو بنکەو پۆلیسی بڕەمۍ. هەڵای ژمارەو زامڎارا ئەرەگیرا ڕۊشن نەکریانۆ."

سەبارەت پا چالاکیەی کە جە هەمان ڕۆنە ئەنجامدریا، ئەرەیاۋییان: "شەوەو ٢٢ۍ ئەیلولی، جەنگاوەراما جە دژو سیستەمو کامێرەی چەمڎاری ئەرەگیرا جە گەڕەکەو کشلای گەڤەری چالاکیێوەشا ئەنجامدا. جە ئاکامەنە سیستەمو کامێراو ئەرەگیرا دلېنە بریا."

هەرپاسە جەنگاوەراو ماکی ئەرەیاۋناشا ئێمە پېسە جەنگاوەراو ئازاڎی گەلو کورڎەسانی جارێوەتەر ماچمۍ؛ ڕا نمەڎەیمۍ بە ئەرەگیرا. دۆڵەتو فاشیستی تورکی کە بە پیستەرین و بێ ئەخلاقیتەرین شێوە هرووژم مکەرۆ سەرو گەلەکەیما و ڕابەر ئاپۆی، پەنەوازا ئینەی بزانۆ؛ جە هەر شۊنێنە بیمۍ، دژو ئەرەگیرا و هامکارەکاشا بەردەوامۍ بیمۍ جە چالاکییەکاما. ئارۆ ڕۆو مڎرامانیا بە ڕۆحو جەنگو گەلی شۆڕشگێڵنیی دژوو ڕژێمو جەنگی تایبەتی ئازاڎی بەدەس مارمۍ."