سەڎان جۋانۍ بە ۋەرھەنگامەو جمیەرو جۋانا شۊڕشگێڵی جە سوریا و یۆبییەی ژەنە گەنجە کۆشیەرەکا، جە پانېشتوو شارۊچکڵەو خانا سەرۍ-ی سەر بە دێرکی کۊبیێۋە و دژو گۊشەگېری سەرو ڕابەر ئاپۊی ڕاپېمایشا کەرڎ. جە ڕاپېماکەینە ۋێنەکۍ ڕابەرو گەلو کورڎی عەبدوڵا ئۊجالانی بەرز کریێۋە.

جگەر حەسەن ئەنڎامو دەسەو ڕاۋەبەری جمیەرو جۋانا شۊڕشگێڵی جە سوریا، جە بارەو پېلانگێڵی سەرو ڕابەر ئاپۊی قسێش کەرڎۍ و ۋاتش:"پېلانگێڵیەکە دژو گرڎو کورڎی بۍ. ئێمە جۋانۍ شۊڕشگێڵی ئامانجی ئەساسیما دمایی ئارڎەین بە گۊشەگېری. بە ئازاڎیی ڕابەر ئاپۊی گرڎو گلێرگە بندەس و چەوەسیاکا ئازاڎۍ با".

ڕاپېماکەی بە دروشمەو" بژیۋۊ مڎرامانو ڕابەر ئاپۊی" دمایش پنە ئاما.

ھ.ش