چالاکییەکەو ئێساڵی 'ڕاپیمای درێژمەودا' بەینو ٩-١٤و شوباتی  شارو هایلبرۆنو ئەڵمانیایۆ تا شارو فرایبۆرگی ملۆڕاوە. چالاکییەکە جە ١٥و شوباتی بە ڕاپیمایێ گۆرە جە شارو ستراسبۆرگو فەرەنساینە ملۆ ڕاوە.

ڕاپیماکەی کە بە ئامانجو ئازادی جەسەیی ڕابەر ئاپۆی ملۆ ڕاوە، داواکارییێ وەڵا کریاوە. جە داواکارییەکەنە داوا جە جوانا کریا کە بە دروشمو 'ئازادی پەی ڕابەر ئاپۆ، چارەسەری سیاسی پەی پرسو کورد'ی بەشداری ڕاپیماکەی بیدێ. یاگێ ئاماژەینە قەرارا بەسەڏان جوانێ جە فەڕەنسا، ئەڵمانیا، سویسرا، نەمسا وبەریتانیا و وڵاتێ تەرێ ئۆرپای بەشداری ڕاپیماکەی بکەرا.

جە چالاکییەکەنە هورسەنگنای پەی پیلانگێڵنای مییاننەتەوەیی کریۆنە

ڕۆو یوەمی ڕاپیماکەی کە جە شارو هایلبرۆن جە ئەڵمانیاوە دەس پنەمکەرۆ و تا شارو فرایبۆرگی بەردەوام بۆنە، پیلانگێڵو مییاننەتەوەیی هورسەنگناش پەی مکریۆنە. کۆمیتەو ئامادەکاری چالاکییەکەی سەبارەت بە وردەکاری ڕاپیماکەی قسێش کەردێ و ئەرەیاوناش، "ئێمە پیلانگێڵو مییاننەتەوەیی کە جەدژو ڕابەر ئاپۆی ئەنجامدریا شەرمەزار مکەرمێ و جە وەروەرو ئی پیلانگێڵنیە جە هێزەکێ گلادیۆ ئەنجامشادا، یۆیگێرمێنە و دیوارەکی سیستەمو مرۆڤکوژی و ئەشکەنجە جە ئیمرالی هورشانمێوە. جە دژو فاشیزمی و ئەرەگیری بە دروشمو 'کەس نمەتاوۆنە ڕۆما تاریک بکەرۆ' تا ئاکاتەی ئازادی جەسەیی ڕابەر ئاپۆی بەدەس مارمێنە، درێژە بە ئەوەکۆشای وێما مرەیمێ."

کات و یاگێ ڕاپیماکەی

* یاگێ گلێرۆبییەکەی: 74080 هایلبورن، ئەڵمانیا، Landturmstrasse 4

* کاتو گلێرۆبییەی: سەعات ١٠:٠٠

* پەی هورگێرتەو زانیاری زیاتەر:

ئیمەیل: [email protected]

ئینستاگرام: mesa.direj2025@

تلێگرام:  mesa.direj2025@