دمابەدماو گلێرۆبییەو پارتە سیاسییەکێ وەرکەوتوو کوردەسانی جە ١٩و کانوونو دووەمی. قەراردریا جە دژو پەسەن کەردەو سزاو جەقەنارەدای هەردوویی ژەنە چالاکێ پەخشان عەزیزیە و ورشیە مورادیە مانگێرتەی گرڏی سەرو گرڏو شارەکا وەرکەوتوو کوردەسانی جە ٢٢ی کانوونو دووەمی- ئارۆ چوارشەممە ئەنجام دریۆنە.

بەمەڵامەتو لوای دەمۆو بانگەوازییەکەی سەر سەعبو ئارۆی گرڏو شارەکا وەرکەوتوو کوردەسانی جە دژو پەسەن کەردەو سزاو جەقەنارەدای پەخشان عەزیزیێ و وریشە مورادیێ مانگێرتەی گرڏی دەسش پنەکەرد بە مەبەسو بەربڕییەو ناڕەزایەتی.

هەرپاسە چالاکێ و ئازادیوازێ و بمەیانەو زینانیا سیاسیی، بنەیانەو قوربانیا شۆڕشو "ژەنێ ژیوای ئازادیی"، ماف وریێ، خونکارێ و لایەنە سیاسییەکێ وەرکەوتوو کوردەسانی داواو شێونایۆ و مدرناو سزاو جەقەنارەدای هەر دووی ژەنە زینانیێ سیاسییێ کوردێ پەخشانە و وریشە مکەرا.

هامكات، شەوەی ویەردێ سەرو جادەو و کۆڵانەکا وەرکەوتوو کوردەسانی جە لایەنو چالاکێ و ئازادیوازاوە پێسەو ناڕەزایەتی بەربڕییەی جە وەراوەرو پەسەن کەردەو سزاو جەقەنارەدای پەخشان عەزیزیێ و وریشە مورادیێ دەسشا بە هورواسەتەی وێنەکا ئا دووە ژەنە کوردا کەرد