کۆنگرەو گلېرگەو دیموکراتیکی کوردا ئۊرووپای (کەجەدەکە-ئە) بۆنەو جەژنەو ١و ئایاریوە داواش کەرڎە مجیارە مېڎانەکا و ئەرەیاۋناش: "جە چالاکییەکاو ١و ئایارینە جە ئۊرووپا، ئوسترالیا و کەنەدا، پەی ئازاڎیی جەسەیی ڕابەری دەس بە سەفەربەری مکەرا."
کۆنگرەو گلێرگەو دیموکراتیکو کوردا ئەورووپای (کەجەدەکە-ئە )بە بۆنۆ ١و ئایاری، ڕۆو جەهانی کرێکارا، ئەرەیاونێوەش وەڵاکەردۆ.
کەجەدەکە-ئە ئەرەیاوناش؛ زیاتەر جە ١٣٠ ساڵێن ١و ئایاری پێسەو ڕۆو جەهانی کرێکارا و گەلا چێردەسی جە گرڏو جەهانینە جە دژو چەوسنایۆ کرێکارا و دەس سەرەرە گیرتە و ماف و رەنجو کرێکارا جە لایەنو دۆڵەتو کرێکاراوە سەرش هوردان و واتش: "١و ئایارئ پەی گلێرگێوە ئازادی و ئوەکۆشای دژو چەوساوەکا، ڕەگەزپەرسی و جەنگی، نوێنەرایەتی هیواو ستەمکریایا مکەرۆ."
کەجەدەکە-ئە ئاماژەش پانەیەدا، "ئێساڵ جە کاتێنە ١و ئایاری یاڏکریۆوە کە چەوەسیایۆ سەرمایەداری و دەسەڵاتە هەژمونوازەکا و جەنگ جە وەرکەوتوو دلێڕاسەینە و جیهانەنە چڕتەر بییەنۆ. مۆدێرنیتو سەرمایەداری نەک تەنیا پەی کرێکارا، بەڵکوم پەی ئایندە و سروشتی و مرۆڤایەتیچ هەڕەشێنە."
١و ئایاری هێماو ئەوەکۆشای ستەمکریایان جە دژو ئا سیستەما پەی بەدیئاردەو سۆسیالیزمی و گلێرگەو دیموکراتیکی. هەرپاسە دژو میلیتاریزمی، نەتەوەپەرەسی و جەنگا و پەی بنیادنیاو گلێرگێوە دیموکراتیکی جە ئەوەکۆشاینە.
جا چوارچێوەنە بانگەوازو ڕابەر ئاپۆی پەی ئاشتی و گلێرگەو دیموکراتیکی گرنگییێ تاریخیش هەن. ئەگەر چێش ڕابەر ئاپۆ زیاتەر جە ٢٦ساڵێن ئینا زینانو ئیمرالینە جە گۆشەگیریی ڕەهاینە بەدیل گیریان، بەڵام بە بانگەوازەکەیش پەی ئاشتی، دیموکراسی و ئازادی جە تورکیا یو گرڏو ناوچەکەینە بییەن ترووسکایی پەی هیوای. ڕابەر ئاپۆ گەرەکشا ڕا پەی گلێرگەو ئازادی و دیموکراتیکی هەموار بکەرۆ و مافو گرڏو پێکئامایەکا، ئایین و نەتەوەکا مسۆگەر بکەرۆ و دمای بە سیاسەتەکا جەنگی و زۆرداری بارۆنە.
چارەسەرو پەرسەو کوردی پێسەو کڕێڵو دیموکراتیکبییەی تورکیای و ناوچەکەی تەماشە کریۆنە. سیاسەتەکێ جەنگ و تورکیای سەرچەمەکێ هەرمانەو کرێکارا کەم مکەرۆوە.
بنیاتنیاو گلێرگێوە ئازادی و دیموکراتیکی تەنیا بە ئەوەکۆشای بەردەوام مێ ئاراوە. پۆکەی ئەرکو سەرەکی ئێمەی کرێکارا و، ژەنی و ئینتەرناسیۆنالیستەکێ ئەوەکۆشایێ یۆگێرتەین پەی جەهانی بەدوور جە چەوسیایۆ، جەنگی.
جە ١و ئایارینە پەنەوازا ئەوەکۆشای وێما پەی گلێرگێوە دیموکراتیکی جە گرڏ جەهانینە بەرز کەرمێوە. بەبۆنۆ و ١و ئایاریۆ پەی دمای ئاردەی بە جەنگەکا سەرو کوردەسانی و، سووریا، عێراق و جەهانی، داوا مکەرمێ مچیانە سەر جادەکا و دەنگما پەی ئاشتی بەرز کەرمێوە.
جە چالاکییەکا ١و ئایارینە کە جە ئۆروپا و، ئوسترالیا و کەنەدانە ملۆڕاوە، پەی ئازادی جەسەیی ڕابەر ئاپۆی دەس بە سەفەربەری مکەرمێنە.
پەی بنیادنیای ژیوایێ ئیکۆلۆژی، ئازادی ژەنێ و گلێرگەی دیموکراتیکی جە ١و ئایارینە مچیانە مێڏانەکا. بژیوۆنە یۆبییەی مییاننەتەوەیی."
