ئارۆ وەڵێ نیمەڕۆی ، جە تەلارە و کتێبخانەو تەوارو شارو سلێمانی، وۆرکشۆپی 'پلاتفۆرمو یۆبییە و نەتەوەیی ژەنا کوردی جە پانیشتوو کوردەسانی' بە ئامادە بییە و ژەنە چالاکوانا و نوێنەرێ پارتە سیاسییەکا، هونەرمەندان و نوویسەرا لواڕاوە.

سەرەتاو مەراسیمەکەی بە دەقێوە مردای پەی گیانو پاکو گەشمەرڏا ڕا و ئازادیی دەسش پنکەردە و وتێ دەستپێکو مەراسیمەکەی جەلایەنو شەیدا مەعرووفی ونریاوە و، دماتەر ڕاپۆرتە و پلاتفۆرمەکەی جەلایە و سارا ڕەزێوە پێشکەش کریا و سەرنجش وست سەر و سیستەمو جەهانی کە بە شێوازێ تازە جە وەرکەوتوو دلێڕاسەینە دیزاین کریۆوە و سیستەمو دۆڵەت-نەتەوەی هورشنیۆوە.

جە هەمان کاتەنە، جەلایەن و دیوانو پلاتفۆرمەکەی چانیشا شیرین تەها، ڕووناک مەجید و گوڵستان سەعید ئامانجو پلاتفۆرمەکەی وزیا ڕووە، درێژە بە گفتوگۆکا دریا و سەرنج وزیا سەر و پەرسە و ژەنێ، پەرسە و نەتەوەیی کوردی بە ئامانجو یەکڕیزی و یەکدەنگی ژەنا و چارەسەرکەردە و ئاستەنگییەکا وەردەمیشا، هەرپاسە جەختکەردەیۆ جە گرنگی یەکڕیزی نەتەوەیی گەلوو کوردی چی قۆناغەنە.

گفتوگۆی کراوە؛ بانگەواز پەی یۆگێرتەی ژەنا

دماتەر جە لایەن و ئامادەبییەکا دەستکریا بە وستەی ڕووە و پێشنیازەکا و ڕا فاڕایۆ ئا پەرسا کە پەیوەسێ بیێنێ بە پلاتفۆرمەکەی، جە گفتوگۆکانە ژەنی ڕاو پەی لوا و وێشا دەربارەو ڕەوشو سیاسی جە پانیشتوو کوردەسانی و ئا فاڕییایی جە ناوچەکەنە ڕووەمرا بەربڕی و داواشا کەردە ژەنی یۆگێرتێ بانە، بەتایبەت دلێ دیزاینکەردەیۆ بارودۆخو سیاسی وەرکەوتوو دلێڕسەینە کە قوربانییەکێ ژەنیێنێ، پۆکەی جەختکریاوە چانەی هەتا ژەنێ ئازادێ نەبانە و ڕزگارشا نەبۆنە جە ئەرەگیری و چەوەسنایۆ، مەتاوانە ژەنی یەک دەنگێ بانە، هەرپاسە سەرنج وزیا سەر و  بەرەو وەڵێ بەردە و پرۆسەو ئاشتی بەتایبەت دما و پەیامەکەی و ڕابەر ئاپۆی گرڏ کەسێ توانا و هێزو وێش بەکار بارۆ پێوەرە و بە بێ جیاوازی جە ویر و پەی لواو  ئایدۆلۆژی هەرمانە بکەرۆ پەی دەسئاردە و ئامانجەکاشا.

دما و تەمام بییە و بەرنامەکا وۆرکشپۆکەی قەرار چانەن جە ئەنجامنامەو وۆرکشۆپەکەینە ئەرەمەزنارە و 'پلاتفۆرمو یۆبییە و نەتەوەیی ژەنا کوردی جە پانیشتوو کوردەسانینە' ئەرەیاویۆنە.