کەجەدەکە-ئە بە ئەرەیاونێوە نویسریا بانگەوازش پەی بەشداریکەردەو بەهێزو نەورۆزو ٢٠٢٥ دا، هەرپاسە جەختش چانەیە کەردەنۆ پەنەوازا پێسەو نەورۆزو ئازادی ڕابەرایەتی پێشوازیش جە نەورۆزو ئێساڵی کەرمێنە.

ئەرەیاوناکەو کەجەدەکە-ئە  یاڏش وستیمێ نەریتو شۆڕشگێڵی نەورۆزی جە کاوەو ئاسنگەری تاوەکو کاوەو سەردەمو مەزڵوم دۆغانی هێڵێوە مڏرامانین و پەی گەلوو کوردی بییەن بە سیمبولو مڏرامانی، ئەوەکۆشای و ئازادی. ئەرەیاوناکەینە ئاماژە پانەیە کریان نەورۆز جە ئاستێوە فرە بەرزەنە بییەن بە بەیانو ئیرادەو پەشتیووانی و یۆبییەی نەتەوەیی گەلوو کوردی.

کەجەدەکە-ئە ئاماژەش پانەیەدا چنی 'بانگەوازو سەدەی' ڕابەر ئاپۆ سیاسەتەکێش دلێنە بەردێ و نکۆڵیکەردەیش دلێنە بەرد و جەختش کەردۆ پی بانگەوازە چارەسەرییە پرسو کوردی کەوتەن ڕۆژەڤو سیاسەتو وەررکەوتوو میییامینی و مییاننەتەوەیی.

کەجەدەکە-ئە ئاماژەش پانەیەدا مشۆم نەورۆزو ٢٠٢٥ پێسەو 'نەورۆزو ئازادی ڕابەر ئاپۆی پێشوازیش ونە کریۆنە و داواش کەردە چی چوارچێوەنە گرڏو مێڏانەکانە بە ڕۆحی سەفەبەری زەماوەنە ئەنجام دریۆنە و ماچۆنە "پەی ئازادی ڕابەر ئاپۆی و بە دی ئاردەو هەلومەرجو ئەوەکۆشای مشۆم ئایێرو نەورۆزی جە گرڏ کاتێ زیاتەت گەش بکەرۆ."

جە ئەرەیاوناکەینە ئاماژە پانەیەکریان جە مەراسیمەکا ئێساڵینە مشۆم توڕەی جە دژو گۆشەگیری بەرز بۆوە و داوا کریا مەراسیمەکا گرڏ وڵات و شارەکانە بە تایبەتی جە ئەڵمانیاو، سویسرا و فەڕەنساینە فاڕانە پەی ئەرەپڕای.

کەجەدەکە-ئە ئاماژەش پانەیەدا گەلوو کوردی جە وەراوەرو پیلانگێڵی مییانتەوەی ڕێبازی گڵاو سەرەش نەنامنانەرە، بە پێچەوانۆ بە ڕۆحو مڏرامانو مەزڵوم دۆغانی و ڕەهشانان نەورۆز گرڏ یاگێنە فاڕدێ پەی ئەرەپڕای و فرە گرنگا بە ڕۆحو یۆبییەی نەتەوەی داواو 'ئازادی و ئاشتیی' بەرز بکریۆوە.

جە دماین و ئەرەیاناکەینە ئامان: "ئۆروپانە، کەنەدا و ئوستورالیا کورد و دۆسەکێما مشۆم جە گرڏ مێڏانەکا نەورۆزینە بە ڕۆحو مڏرامان و مەزڵوم دۆغانی گلێرێ باوە و جە دژو ئەرەگیری داواو ئازادی و یەکسانی بکەرا. بە تایبەت جە ٣٠هەمین ساڵڕۆو گەشمەرڏە بییەو ڕوناهی و بێریڤانێنە مشۆم نەورۆز گرڏو مێڏانەکانە بکەرمێنە بە نەورۆزو ئازادی."