بەپاو مېیانو ئەرەیاۋنای یەکینەکاو پارېزنای شەنگالی (یەبەشە) شەوەی ۋېیەردۍ جە دەوروبەرو سەعات ١١:٠٠ سوپاو عێراقی جە مېیانو شەنگالینە، هرووژمشا کەرڎەن سەرو ترۆمبێل و تیمێوە جە جەنگەوانا یەبەشەی و پشێوی وەش بیەن جە بەینو هەردووە لاینە.

ئینەیچ پا جۊرەبیەن کە؛ سوپاو عێراقی جە گەرەکەو یەرموک و شەنگالینە، دامەشا پەی ترۆمبێلێوە جەنگەوانا یەبەشەی نیانەرە و هرووژمشا کەرڎەن سەرو جە ئاکامەنە یەرۍ جەنگەوانۍ زامڎارۍ بیۍ، کە زامو یۊیشا سەختا.

بەپاو مېیانو ئەرەیاۋنای یەکینەکاو پارېزنای شەنگالی (یەبەشە)، تا ماوۍ فرە پشێوی جە ناوچەکەنە بەردەوام بیەن و هێزەکێشا کۊتێنۍ ئاژەو ئاماڎەیۆ.