جەژنەو نەورۆزی جە کەمپو پەنابەرا گەشمەرڎە ڕۆسەم جودی (مەخمور)ینە بە مەراسیمێوە پیرۆزە کریا. مەراسیمەکە جە مېیانو کەلتووری و هونەری مەخمورینە ڕێکوزیا، گەل و خۆنکارا بەشدارۍ بێنۍ.

مېڎانەکە بە وێنەکا ڕابەر ئاپۆی و وێنەو گەشمەرڎا و ئاڵاو پەکەکەی و کەجەکەی و کەژەکەی و پاژکی ڕازیاوە.

دماتەر هامسەرۆکو ئەنجوومەنو گەلی، ئەحمەد شەهباز ئەرەیاۋناش هیواڎارێنمۍ ئی جەژنۍ بۆ بە جەژنەو ئاشتی و ئازادی، واتش: "ئی نەورۆزیە جە ڕابەر ئاپۆی و تەمامو گەلا پیرۆز مکەرمۍ. ئی نەورۆزە بۆ بە ڕۆو ئاشتی و ئارامی گەلا. ئی نەورۆزە بۆ بە نەورۆزو ئازادیی بەڎەنی ڕابەر ئاپۆی".

دماتەر شانۆیۍ نمایشکریا و هۊرپڕای سازکریا.

دماتەر مەراسیمەکە بە گۆرانی و مۆسیقا و هۊرپڕای دمایش ئاما.