پارێزنەرا نوسینگەو یاسایی سەدەی؛ ئیبراهیم بیلمەز، جەنگیز یورەکلی، سوزان ئاکیپا و عەمران ئەمەکچی پەی ئانەی تاوانە موەکیلەکەشا ڕابەر ئاپۆی وینانە، سەردانو داواکاری گرڏی کۆمارو بۆرسای و ڕاوەبەرایەتی زینانو ئیمراڵیشا کەرد.

هەرپاسە پارێزنەرا بە هەمان مەبەس پەی ویناو موەکیلە زینانییەکێ تەرێ جە ئیمراڵینە؛ عومەر خەیری کۆنار، حامیلی یڵدرم و وەیسی ئاکتاش هەمان داواکاریشا تۆمار کەرد.

ماوەو چن ساڵێن ڕابەر ئاپۆ دیدارو بنەیانە و پارێزنەراش چنە قەدەغە کریان. بەشێوێ سیستەماتیکانە داوا تۆمارکریێکێ پارێزنەرا و بنەیانەکا جواب مەدریۆوە، ماوەو ٨ ساڵا دماینە لانیکەم ١٥ جارێ قەرارو قەدەغەو دیدارو پارێزنەرا بە پاساوەی بێ بنەما بەرەشیێنە.