پەیامەکەو ڕابەر ئاپۆی پەی گەلوو ئێزدی پی جۆرەنە:

" تاریخوو گەلوو ئێزدیما تاریخێوەن کە بییەن شاهیدو کۆمکوژی، ئاوارەیی، زوڵم و ئێشی گۆرە. واتە با قۆناغارە ویەردەن. ئێزدیەت یۆن جە بڕوا حەرە کۆنەکا و گلێرگە حەرە کۆنەکا مێزۆپۆتامیای. پەی پارێزناو کلتووری و، شناسنامە و بییەو وێشا قوربانی گۆرەشا دان. تراژیدی و کۆمکوژیی کە سەرشارە سەپیان، نەک تەنیا جە ویژدانو گەلەکەیما، بەڵکوم جە ویژدانو هامبەشو مرۆڤایەتیشەنە بە قووڵی یاگێش گێرتێنە.

جە تەمامو تاریخینە ڕووبەڕوو هرووژمی بیێنێوە، بەڵام سەرەڕاو گرڏ چێوێ، بە وەرگری کەردەی درێژەشا بە مەنەیۆ وێشا دان. جە سەدەکا ویەردەینە کۆمکوژییەکێ کە جە ئەنجامو هرووژمەکا خاوەن زهنییەتو دۆڵەت نەتەوەییەکانە ڕووەشا دێنە جە ئاستو جینۆسایدینە بیێنێ. کۆمکوژی شەنگالی ساڵەو ٢٠١٤نە، بەردەوامی ئا زهنییەتەیە بێ کە ئامانجو سەڕییەیۆ و دلێنە بەردەی ئێزدییەکا بێ.

بەڵام ئینجارە گەلی ئێزدیما بە زوویی یاوا بە ئەوەکۆشای ئازادیی، وێشا ڕێکوزت و دەسشا بە مڏرامانی کەرد. پی جۆرە، بە مڏرامانێ تاریخی جواب و کۆڵکوژییەکاشا داوە. بەشداری ژەنا چی مڏرامانانە فرە مانادارا. ئاڏێ کەوتێنێ ئا پڕۆسۆ کە ئایندەو وێشا بە دەسو وێشا بنیاد منیانە.

ئایندەو گەلوو ئێزدیما بە هێز و ئیرادەو ئاڏشا سەرو بنەماو گلێرگەی دیموکراتی کە پەشتی بە ئیرادەو دیموکراتی بەسۆنە شێوە گێرۆنە و بەرجەسە بۆنە. پەنەوازا ڕێکوزتێوە کۆمەڵایەتی چانە پێکبێنە کە تاوانە بە بڕواو وێشاوە بە شێوێ ئازادانە بژیوا. چی قۆناغەنە کە ئێمە ویر کەرێنمێ و پنەش یاوایمێ، ئەرەمەزنارەو سیستەمێوە دیموکراتی پەی پارێزنا بییەی تاریخی و بەردەوامی پنەدایش فرە گرنگا. سەرو بنەماو دیدگاو گلێرگەی دیموکراتی، ئایندێوە یەکسان و ئازاد پەی گەلا تاویۆ وەش کریۆنە. پەنەوازا ئێزدییەکێ جە خەباتو دیموکراتیزەبییەی و وەشکەردەو گلێرگەی دیموکراتی کە پەشتی بە ژیوایێ ئازاد و یەکسان بەسانە، بانە هێزێ چالاک و کارا

پەنەوازا گەلی ئێزدیما جە حەر یاگێنە بانە بە وێ ڕێکوزتەی ئایندەو وێشا وسا چێرو پارێزنا و ئاسایشو وێشا مسۆگەر بکەرا.

ئەوەکۆشای پەی ژیوایێ ئازادی، یەکسانی و دیموکراتی وەرپرسیارێتی گرڏو گەلەکەیمانە. پی بۆنۆ، سڵام جە ئەوەکۆشای گەلوو ئێزدیما مکەرو.

گەرەکما واچونە؛ من جە گرڏ بارودۆخێنە پەشتگیری جە ئەوەکۆشای ئاڏشا مکەرو. ئازادیی ئێزدییەکا و ئازادی گەلا وەرکەوتوو دلێڕاسەی بە یۆوە بەسیان. چی چوارچێوەنە، بانگەوازو ئاشتی و گلێرگەی دیموکراتی جوابا وەراوەر بە ٧٣ فەرمانا دژو ئێزدییەکا. ئا پڕۆسەی کە دەسما پنەکەردەن فرەترین بییەی و ئازادی پەی ئێزدییەکا بەدی مارۆنە. ئی بانگەوازییە ڕێنیسانسیە و فرەترین ڕێنیسانس بۆنە پەی گەلیپوو ئێزدیما. ئی پڕۆسە بە هەست و ئەوەکۆشای هامبەش سەرگنۆنە. واوەی سڵامی بێ پایانو وێم گیانونە.

عەبدوڵا ئۆجالان"