دۆڵەتو تورکی ئەرەگیری بەردەواما سەرو کۆمکووژی و هرووژمە ئەرەگیرییەکا سەرو هەرێمەکا سەرنیشتوو وەرکەوتوو سووریای. دۆڵەتو تورکی دێرێ شەوێ ١٧و ئادارینە بە فڕۆکەی بێفڕۆکەوان و چەکی قورس هرووژمێ دڕندانەش کەرد سەرە دەگاو بەرخ‌بۆتانو کۆبانێ.

جە هرووژمەکەنە کە کریا سەرو یانەو بنەیانێوە مەدەنی، جە ئەنجامەنە نۆ کەسێ جە بنەیانێوە گەشمەرڏێ بیێ، کە ئەڏایا و تاتەو حۆت زاڕۆڵێشش چنە بێنێ. کاروەدێکێ سەرو ئاستو هەرێمی و مییاننەتەوەیی جە دژو کۆمکوژییەکەی بەردەوامێنێ.

هیزی کوردێ و دۆسەکێشا جە دژو ئا کۆمکووژییە جە شارەکا؛ هامبۆرگ، لۆزان، ژنێف، ساربرۆکن و فرانکفۆرت بە وینیشاندای و گلێرۆبییەی مچیێ مێڏانەکا.

پەی شەرمەزار کەردەی لافیتێ و درووشموو شەرمەزار کەردەی کۆمکووژیەکە بەرزکریاوە، هەرپاسە داوا جە گلێرگەو مییاننەتەوەیی کریا جە دژو کۆمکووژیە بەردەوامەکا دۆڵەتو تورکی جە دژو گەلا سووریای و بە تایبەت گەلوو کوردی جە سەرنیشتوو و وەرکەوتوو سووریای ئیتر بێدەنگێ نەبا و بکەرا کۆمکووژییەکەی داداگای کریانە.

جە وینیشاندانەکانە گەشمەرڏا ڕاو ڕزگاری، وە گەشمەرڏێ کۆمکوژی بەرخ‌بۆتانی بە ڕێز و پنەزانای یاڏ کریێوە.

هامپۊرگ

لۊزان

ژنێڤ

ساربرۊکن