کەناراوەکاو ئیتالیاینە لاشەو ٢٧ کۊچبەرا وێزیاوە
هەرێموو کالابریاو پانیشتوو ئیتالیاینە، کەشتیێوە کەناراوەکاو شاروو "کرۊتۊنی" کەوت چێرووئاوۍ و لاشەو ٢٧ پەنابەرا وێزیاو.
کەناراوەکاو شاروو جۊرۊنوو هەرێموو جالابریاو پانیشتوو ئیتالیاینە، کەشتیێوە کۊچبەرا چێروو ئاوۍ کەوت.
بەپاو قسۍ میدیا ئیتالییەکان لانوو کەمی ٢٧ کەسۍ مەرڎێنۍ.
ئاژانسوو هەواڵوو "ئەی ئێن سی ئەی" ئیتالی ئەرەیاوناش، پەنەمشۊ ژمارەو ئانیشا کە مەرڎێنۍ، ٣٠ کەسۍ با و هەڵمەتەو گێڵایچ درێژەش هەن.
ئاژانسوو "ئەی جی ئای" ئەرەیاوناش، ژمارێوە فرۍ کۊچبەرۍ سوارۍ کەشتیۍ بیینۍ و بۊنەو شەپۊلەکاوە پارچە پارچە بییەن.
وچیۊیچ، زارۊڵێوە ساواڵە ئینا دلۍ ئا کەسانە کە مەرڎێنۍ.
س.ز
