هامسەرۆکو زانشتگەو کۆبانێ شەڕڤان موسلم پێوەس بە کۆنفرانسەکەی ئاماژەش پانەی دا پەی بەرزکەردەیۆ ئاستو ئەکادیمی پەروەرەدەی بەردەوامۍ با جە کۆششی پەروەردەیی و واتش: "کۆنفرانسی پەروەردەی نەتەوەیی بەرهەمو شۆرشو ۋەرنیشتیا".
جە ما بەینو ١٩ پەی ٢٠و ئۆکتۆبەرینە بە بەشداری چڼین توێژەرا ئەکادیمی جە دلێینەو جبەرەنە کۆنفرانسو پەروەردەی نەتەوەیی جە زانڎتگەو کۆبانێ دەربارەو پەیوەندییەکا بەینو پەروەردەی و تەکنەلۆجیای لواڕاوە. جە کۆنفرانسەکەنە گفتوگۆکریا سەرو پەرەپنەدای بە ئاستو پەروەردەی جە ڕاو تەکنەلۆجیایۆ.
جە بارەو کۆنفرانسەکەیۆ شەڕڤان موسلم هامسەرۆکو زانشتگەو کۆبانێ پەی ئاژانسەکەیما قسێش کەرڎۍ و ئاماژەش پانەی دا ماوەو شش مانگا جە ئاماڎەکاریینە بێنۍ پەی ئەنجامدای کۆنفرانسەکەی کە بە ئامانجو هۆرگێرتەی پەیلوای تازەی جە بارەو وەڵێوستەی پەروەردەی و ئاستی ئەکادیمی زانشتگەکاوە.
جە بەردەوامینە مسلم ئەرەیاۋناش، پەی بەرزکەردەیۆ ئاستی ئەکادیمی وەڵتەر جە ڕاو ئۆنلاینیوە چنی چڼین مامۆسایا زانشتگە مېیاننەتەوەییەکا سەرنجو پەیلوایشا فاڕانۆ.
'کۆنفرانسەکە پەی کۆبانێ گرنگا'
جە دما دمای قسەکاشەنە موسلم ئاماژەش بە گرنگی بینای(بەستەی) کۆنفرانسەکەی کەرد و واتش: "جە شۆنێوە پېسە کۆبانێنە ئەنجامدای ئی کۆنفرانسەیە کاریگەری و گرنگیێوە فرەش هەن. پەی لابەردەی ئاستەنگییەکا ۋەردەمو بوارو پەروەردەی و جە هەمانکاتەنە پەی بەرزکەردەیۆ ئاستو ئەکادیمی جە کارەکاما بەردەوامۍ بیمۍ، ئینۍ گرڎ میراتۍ شۆرشینۍ و جە سەیەو شۆڕشینە یاوایمۍ پی ئاستە پەروەردەییە."
