کۆنگرەو ستاری پەی پشتیوانی وەنەو ژەناو هیندستانی داواش ئەرەیاونا
هیندستانەنە ناڕەزایەتییەکێ وەراوەروو دەسدرێژیکەردەی و کوشتەی ژەنە پزیشکێوە بەردەواما، ئەنجومەنوو کۆنگرەو ستاری بە ئەرەیاوناێوە پەشتگیریی وێش پەی ژەناو هندسانی ئەرەیاونا.
ئەنجومەنوو کۆنگرەو ستاری دەربارەو دەسدرێژیکەردەی و کوشتەی ژەنە پزیشکێوە هیندسانەنە و کۆشیای ژەناو هیندسانی دژوو کوشتەی ژەنا ئەرەیاوناێوە نویسیاش وەڵا کەردۆ و عەقڵوو پیاسالارییش شەرمەزار کەرد و ماچۆ:" بە عەقڵی ڕەگەزپەرسییوە ئازادیی ژەنێ دلێنە بەرا و پەرە بە کۆیلایەتیی مدا، فشار و زۆرداریی پیاسالاریی تەنیا سەروو جەستەو ژەنێوە نییەن، هاموەخت هجووما پەی سەروو بییەی تەمامەتیی ژەنێچ."
'هجوومو سەروو ژەنە پزیشکەکێ بە ماناو هجوومی پەی سەروو گردوو ژەنا مێ '
ئەرەیاونایەکەینە ئاماژە بە کۆشیای ژەنا دژوو دەسەڵاتوو پیاسالاری مکەرۆ و ئامان:" تا فشار و هێزەکاو دەسەالاتوو پیای زیاتەرێ با، کۆشیای ئازادیی ژەنە ئازادیوازایچ وەرفروان مبۆ و سنوورەکا مویەرنۆ. شاروو کۆلکاتاو هیندستانینە ژەنێوی گەنجە بییە بە قربانیی دڕندەیی و هجووموو پیای، دماو ئانەیە دەسدرێژی مکریۆنە سەرش مکوشیۆ، کە ئیە بە ماناو دەسدرێژیین سەروو گردوو ژەنا، پەنەوازا ژەنی یۆگێرتێ با و دنیێ بکەرا بە یاگێوی ئازادە و ئارامە.
فەلسەفەو ' ژەنی، ژیوای، ئازادی"ی کە ساڵانێوا پیسەو کۆشیای ژەناو کوردی ئازادیی ڕۆشن مکەرۆوە و بییەن بە پردەو ئازادی کە ژەناو کۆشیای ئازادییشا میاونۆ بە یۆی. زیلانەکاوە تا ساکینە جانسزە، زەینەب جەلیلانێوە تا ژینا ئەمینییە، ژەناو کوردیوە تا ژەناو هیندسانی دەوروو ویشنە کۆ مکەرۆوە و ڕێکێشا موزۆ و خەباتیشا میاونۆ بە سەرکەوتەی."
ئاخروو ئەرەیاونایەکەینە هجوومو سەروو ژەنە ژنە دکتۆرەکێ هیندستانی شەرمەزار مکەرۆ و ماچۆ: پەشتگیریی وێما وەەنو ژەناو هیندسانی و گردوو ژەناو جیهانی مکەرمێ کە پەی ئازادیی وێشا مکۆشیانە . پا هێزوو ئەزموونەوە کە هەنما تا ئاخر دژوو دەسەڵاتداری پیاسالاری کۆشیای هامبەش مکەرمێ و بژیوۆ 'ژەنی، ژیوای، ئازادی'ی".
