کەنەکە داواو سەفەربەریی نەتەوەییش کەرڎە و ئەرەیاوناش کە "داوا جە گرڎوو گەلوو کورڎستانی، کورڎستانییا جە جبەروو وڵاتی و دۊساو کورڎی کەرمۍ کە جە سەفەربەرینە با و بە گیانی نەتەوەیی و هەستی ئینسانیوە، هامکاریی وەنەقۊمیایا بومەلەرزەکەی کەرا".
دەسەی ڕاوەبەریی کەنەکەی سەبارەت بە بوومەلەرزەی کورڎستاننە ئەرەیاوناێش وەڵا کەرڎۊ و داواو سەفەربەرییش کەرڎە.
جە ئەرەیاوناکەینە ئامان:
"ئا کارەساتەکە سەرنیشت و وەرپڕوو کورڎسانینە ڕووەش دێنە لاو گرڎیماوە ئاشکران. تا ئیساتۍ ژمارەو ئانیشا مەردێنۍ یاوان نزیکەو ٢٠ هەزار کەسا. بەڵام دەیان هەزار کەسێچ بیێنۍ چێرۊ. ژمارەو بریندارەکایچ جە ١٠٠ هەزار کەسا نزیک بۊوە. بە سەدان هەزار یانۍ و بینێچ وڕیێنۍ و بە ملیۊنان ئینسانۍ وەنەشا قۊمیان و پێویسشا بە گرڎ نۊعە هامکاریێوە هەن. دەسەڵاتی گەندەڵ و خراپەکاروو ئاکەپە-مەهەپەی و ڕژێموو بەعسوو ئەسەدی جە وەختوو وێشنە ڕاوشۊنشا نەگێرتەرە وەر و بە کردەوە خراپەکاشا، وەرپەرسێنۍ چی کارەساتە گەورەیە. ئا ڕژێمۍ دماو بوومەلەرزەکەیچ پا نۊعە ئەشیا دەسوەردایشا نەکەرڎۍ و فرەو یاگەکانە خەڵک بەتەنیا جیا ئازیا. تا ئیساتێچ هامکاری نەیاوان فرەو یاگەکا، وەنەقۊمیایا بوومەلەرزەکەی بە زووی و بەپەلە پێویسشا بە هامکاریی ئێمەن. متاومۍ بە هامکارییەکاما وەنەقۊمیایا وزمۍ سەروو پایا و ئێش و ئازارەکاشا کەمۍ کەرمێوە. پی بۊنەوە جە سەرنیشت- پانیشت-وەرکەوت- وەرپڕوو کورڎسانینە داوا جە دگروو گەلوو کورڎستانی و کورڎستانییا جە بەروو وڵاتی و دۊستاو کورڎی کەرمۍ، کە جە سەفەربەری و ئامادبییەینە با و بە گیانی نەتەوەییوە و بە هەستی ئینسانیوە، هامکاری پێشکەش بە زەرەروەنەکەوتاو بوومەلەرزەکەی کەرا. وەخت وەختوو پەشتیوانیی نەتەوەیی و هامکارین".
