کورڎ و دۆسەکێش رووە مکەرا فێستیڤاڵو فرانکفۆرتی
٣٢ەمین فیستیڤاڵو کولتوری مېیاننەتەوەیی کە گۆرەتەرین مەراسیمو کولتوری کوردان جە ئۆروپا، ئێساڵ بە دروشمەو "گۆشەگیری و ئەرەگیری ماڕمێنە، رابەر ئاپۆی ئازاڎ مکەرمۍ" رێکوزیان.
جە چڼین وڵاتۍ ئۆروپایۆ جە سەر سەعبۆن بە هەزاران کورڎەسانیۍ و دۆسەکێشا بەرەو پارکو رێبستاکی فرانکفۆرتی کۊتێنۍ ڕا.
جە سەر سەعبۆن ئا بەشداربیۍ کە بە کابینەکا وشکنای و چەمڎاری ئەمنیرە ۋییەرڎێنۍ جە مېڎانو فێستیڤاڵەکەینە دەسشا بە هۊرپڕای کەرڎەن.
جە مېڎانەکەنە جگە جە گۆرانیۍ و دەنگواچی، مەراسیمی جیاجیایچ بە جۆش و خرۆشێوە فرۆ سازکریان.
بەشدارا فیستیڤاڵەکەی کە ئاڵاکۍ یەپەگەی و یەپەژەی و پەکەکەیشا هۊرێگێرتێنۍ، چەمەڕۍ دەسپنەکەرڎەو بەرنامەکانۍ و مێزەکا کەراوە سەر.
فێستیڤاڵی کولتوری مېیاننەتەوەیی کوردی، جە ساڵەو ١٩٩٢ێوە ملۆڕاوە.
