فیستیڤاڵو کەلتووری گەلی (٢٠٢٤) جە لایەنو شارەوانی لۆکرانۆیۆ ڕێکوزیا، کوردا بە نیشاندای کەلتووری ۋێشا بەشدارۍ فیستیڤاڵەکەی بێنۍ و دەمو گۆرانیەو مڎرامانیوە هۆرپڕایشا کەرڎ.
فیستیڤاڵو کەلتووری گەلی (٢٠٢٤) جە لایەنو شارەوانی لۆکرانۆیۆ کانتۆنو ئیتاڵیای جە سویسرا ڕێکوزیا. جەماوەرێوە فرە بەشدارۍ بێنۍ، مێزەی تایبەتە بە کەلتوورو گەلا نریارە.
ناوەندو کەلتووری کوردی دیموکراتیکی (دەم_کورد)ـی تیجینۆ بەشدارو فیستیڤاڵەکەی بۍ. دەم_کورد پەی نیشاندای بەرهەمە کەلتوورییەکا گەلوو کوردی مێزەش نیارە و کەلتوورو کوردیش ئشناسا.
ئا کەسۍ کە بە ڕەنگەو ۋێشاوە بەشدارۍ فیستیڤاڵەکەی بێنۍ، سەرو سەکۆو فیستیڤاڵەکەیۆ گۆرانیۍ فۆلکلۆریێشا چڕیۍ.
هونەرمەڼا دەم_کوردی لوۍ سەرو سەکۆی و گۆرانیەو مڎرامانیشا چڕیە. کورڎەسانیا هۊرپڕایشا کەرد و درووشمەکۍ "بژیۋۆ سەرۆک ئاپۆ"ی و "ئازادی پەی ئۆجالانی، ئازادی پەی کورڎەسانی" و "بژیۋۆ گەریلا"یشا بەرزکەردۆ.
مەراسیمەکە تا شەوۍ دێرۍ بەردەوام بی.
