ماک ئێلحەنە چالاکیش کەرڎ
جەنگاوەراو ئازادی کوردەسانی (ماک) ئەرەیاۋناشا ئێلحەنە جە دژو پۆلیسو دۊڵەتو تورکی ئەرەگیری چالاکی ئەوەتەقای بۆمبی دەسکردیشا ئەنجام دان و چڼین زامڎارێش چنەکۊتێنۍ.
بە دیمەن
چالاکی ماکی
جەنگاوەراو ئازادی کوردەسانی (ماک) ئەرەیاۋنێوە نوسیاشا وەڵا کەرڎۆ و ئاماژەشا پانەی دا جە ۋەرا ۋەرو پۆلیسی و هێزو ئەرەگیرانە چالاکی کاریگەرشا کەردەن.
جە ئەرەیاۋناکەینە ئامان: "جەنگاوەرەکېما جە ٢٣ۍ شوباتینە سەعات ٢٣:٣٠ دەیەقۍ جە گەڕەکۊو بالگلاری ئێلحینە ۋەرا ۋەر بە پۆلیسو تورکی ئەرەگیری هرووژمېوە بۆمبیش ئەنجام دان."
زامڎار بیەو پۆلیسی ئەرەگیری
سەبارەت بە ئامارەو چالاکیەکەی وچیا: “جەنگاوەرەکېما دامەشا ۋەردەمو کارەوانېوە جە ترۆمبێلا زرێپۆشو ئەرەگیرانە نیارە و بە بۆمبی دەسی جە ئەرەگیراشا دا. جە ئاکامو چالاکییەکەینە گورزێوە قورسە جە ترۊمبێلە زرێپۆشەکە شنیا، چڼین پۆلیسۍ ئەرەگیرۍ زامڎارۍ بیۍ و بە ئامبۆڵانس ڕەوانەو خەسەخانەی کریۍ. جەنگاوەرەکېما دماو چالاکییەکەی بە شێوێوە سلامەت مېإڎانەکەشا جیا ئاست."
