جە کامپو پەناھەنڎا گەشمەرڎە ڕۊسەم جودی(مەخمور)یەنە چالاکی مانگێرتەی جەوارڎەی کە پۍ ئازاڎیی جەستەیی ڕابەر ئاپۊیی جە ١و شوباتېۊ دسش پنە کەرڎەبۍ جە ڕۊو ٢١ەمېنیەنە و جە ڕاو گروپو ١٢ەمېنېۊ ۋەردەواما.

گروپو ١١ەمېنو چالاکېەکەی بە مەراسېمێۋە چالاکېەکەش ڕادەسو گروپو ١٢یەمېنی کەرڎ. ۋەڵۍ دەساودەس کەرڎەینە دەقێۋە پۍ یاڎکەرڎەیۊ گەشمەرڎا جمېەرو ئازاڎی کورڎسانی بەبۍ دەنگی ئەنجام دریا. دما بە دماو ڕێز ۋنەنیاکەی بە نامۍ گروپو ١١ەمېنېۊ ئەرەیاۋنێۋە جە تەرەفو "حەسرەت پوسات"یۊ ۋنیاۋە.

جە ئەرەیاۋناکەنە باسو گۊشەگېرۍ تنی کریان سەرو ڕابەر ئاپۊی ئاماژە پانەی دریان کە  "ئی چالاکی مانگێرتەیە جە ۋارڎەی پۍ ئازاڎیی ڕابەر ئاپۊی دەسش پنەکەرڎەن پا ھومێڎەی کە ئەنجامۍ عال بەدەس بارۊنە".

دماو ئەرەیاۋناکەی چالاکی مانگێرتەی جە ۋارڎەی بە دروشمەکا " بژیۋۊ سەرۊک ئاپۊ ، بۍ سەرۊک ئاپۊی ژیۋای مەبۊ" دریا دەسو گروپو ١٢ە مېنېۊ.

ھ.ش