گەنجاو کورڎی بە وەڵێوەبییەی جمیەروو گەنجە شۊڕشگێڵنەکا (تەجەشە)، جە شاروو مارسیلیاو فەڕەنساینە ڕاپیماێشا دژوو گۊشەگیری سەروو ڕابەروو گەلوو کورڎی "عەبدوڵڵا ئۊجەلان"ی ڕێک وست.

 گەنجۍ وێرەگاو هیزی جە سەنتەروو "بێلی دۍ مای" جە مارسیلیانە دەسشا بە ڕاپیمای کەرد، بە واتەیۊ درووشمەکاو "بژیوۊ سەرۊک ئاپۊ" و "بۍ سەرۊکی ژیوای مەبۊ" داواو ئازادکەرڎەی ڕابەروو گەلوو کورڎی "عەبدوڵڵا ئۊجەلان"یشا کەرڎە.

گەنجۍ بەیاننامەکەشانە ئانەشا وست ڕووە، حیچ زانیاریێوەشا سەروو ڕابەروو گەلوو کورڎی "عەبدوڵڵا ئۊجەلان"ی نییا و جەنگیچ بەتندی کورڎساننە درێژەش هەن و ئەرەیاونایچش، گلێرگەی بەیننەتەوەیی دەنگش چۊوە نمۍ، وەلۍ هێزوو کورڎی بەشوو گرڎ چێوۍ کەرۊ.

ئا گەنجۍ ئەرەیاوناشا بە کەوتەی بوومەلەرزەکەی، نزیکبییەیۊیۍ خراپ و جیاکارانەو دەوڵەتوو تورکی چەنی بەڕۊشنی وینیا و ئانەیچشا وات: "ئێمە گەلەکەیما بەتەنیا پەی ویژدانوو فاشیزموو ئاکەپە - مەهەپەی جیا نمازمۍ. ئێمە دەسوو یۊی گێرمۍ و ملمۍ دەموو یۊترینیوە و وێما ڕزگار کەرمۍ".

س.ز