بە درووشمۊو "پاگیرینمۍ سەرو ئاشتی و گلېرگەی دیموکراتیک"ی جە تەلارەو شارەوانی گۊرە شارو مێرسینی کۆنگرەو جەمەو دیموکراتیکی (هەدەکە)ی ئەنجام دریا. جە کۆنگرەکەنە نوێنەراو ڕێکوزیا گلېرگەییە مەدەنییەکۍ بەشدارۍ بێنۍ.

هەرپاسە نوێنەراو دەم پارتی، پەریهان کۆجا، عەلی بۆزان و نوێنەرو پارتو دەڤای، محمەد ئەمین ئەکمەنیش پېسە نوێنەرو پارتە سیاسییەکا بەشدارۍ کۆنگرەکەی بێنۍ. جە کۆنگرەکەنە هاموتەواچەو هەدەکەی، مەراڵ دانش بەشتاشە قسێش کەردۍ و جەختش چانەی کەرڎۆ پېسە هەدەکەی گرڎو ئەوەکۊشایشا پەی بنیاڎنیای گلېرگێوە دیموکراتیکییا.

جە قسەکاشەنە مەراڵ دانش بەشتاشە ئاماژەش پانەی دا، گرڎ کاتێ پرسو "کوردۍ چێششا گەرەکا؟" کریۆ و ئینەش وات: "گەرەکمانە پېسە کوردی بژیومۍ، بە مەعنێوەتەر، نمەتاومۍ بە بێ شنانسنامەو ۋێما چی خاکەنە بەبێ پارېزنای بژیومۍ. ویستو کوردا ئازادی ژیۋاین سەرو ئی خاکیۆ. گەرەکمانە بە شناسنامە، چاند و زۋانو ۋێماوە بژیومۍ."

جە بەردەوامیینە سەرنجش وست سەرو کۊششەکا ڕابەر ئاپۆی پەی چارەسەری ئاستییانەی و ئینەش وات: "متاویۆ پرسو کوردی بە دیالۆگ چارەسەر بکریۆ. گۆشەگیری سەرو ئېژا ئۆجالانی بەردەواما. هامشێوەو دەم پارتی، ئێمەیچ موخاتەبو مژارو هۊرشێونایۆ و چەکنیایرە نیەنمۍ. ئێمە جە مېڎانو سیاسەتو دیموکراتیکینە هەرمانە مکەرمۍ. چی دماییانە ئېژا ئۆجالان بانگەوازو چەکنیایرەیش جە ڕێکوزیاکەیش کەرڎ. پەنەوازا ئا مژارە چارەسەر بکریۆ. چا مژارەنە ئانەی پەنەوازا بە ئێمۆ ئینەنە؛ گرڎ کاتێ پاڵپەشتیما جە پرۆسەکەی کەردەن. مشۊم پەنەوازیەکۍ ئی پرۆسەیە بڕەخسیۆ. ئاخۆ چنی ئا زەمینە ڕەخسیۆ؟ ئاخۆ دەسەڵاتداری چارەسەریش گەرەکا!. جە هەر مژارێوەنە ئەر چارەسەرییتا گەرەکا، ئانە پەنەوازیش بە هەنگامنیاین. جە لېوە ئۆپەراسیۆن بەردەواما، دەی جە ئاژێوە پی جۊرەنە کۆنگرە چنی بینیۆ؟."

مەراڵ دانشە ئاماژەش بە گۆشەگیری سەرو ڕابەر ئاپۆی کەرد و پی جۊرە دمایش بە قسەکاش ئارڎ: "ئا کاراکتەرەی متاوۆ ئی پڕۆسەیە چارەسەر بکەرۆ، گۆشەگیر کریان. چی ئاژەنە هحیچ ئیمکانێوە عال نیا ئارانە پەی ئانەی پرۆسەکە بوېیەرۆ. مشۊم جە ئاژێوە ئازادەنە بتاوۆ ڕاسەوخۆ ویرۆکەکاش وەڵا بکەرۆوە. مژاری فرە گرنگ، هەلومەرجو هەرمانکەردەی ئازادین. موخاتەبو پڕۆسەی تەنیا پېوەس نییا بە پارتو دەسەڵاتداریوە. مشۊم گرڎو هێزە دیموکراتیکەکا بەشدارۍ پرۆسەکەی با. ئێمە بە دیدگاو نەتەوەی دیموکراتیکییوە نزیکۍ ئی پڕۆسەیە بیمێوە. جە سەرانسەرو تورکیاینە گرنگی مڎەیمۍ بە پێوەرە ژیۋای هامبەشی، چارەسەری پرسو کوردی، زاڵبیەین سەرو جەنگی دلېینەینە. مشۊم گرڎ پێوەرە دژو سیاسەتەکا جەنگەرانی مردمېوە. پېوەس بە ئاشتیی ئەرکی گۊرە گنۊ ئەستۆو گرڎیما."

گلېرۊبیەکەی بە گفتوگۆی کراوە دمایش پنە ئاما.