گرڎو دۊڵەتە دەسەڵاڎ دارەکا جە مڎرامانو ڕابەرو گەلو کورڎی "عەبدوڵا ئۊجالانی" متەرسا. ۋەرو ئانەی ھجوم کەرانۍ سەرو ئا ھزرو ئەندێشەیە. پا ھجوما کە کەراشانۍ سەرو ھەرێمەکاو پارێزناو مەدیای و سەرو ۋەرکۊتوو سوریای نیازشانە ئا دەسکۊتا دلێنە بەرا. سەرو ئا بنەمایۍ ئەنڎامو دەسەو گرڎی پارتو یۊبیەو دیموکراتېک (پەیەدە)ی ساڵح نوح قسێش پۍ ئاژانسەو ھەۋاڵی فورات(ANF)ی کەرڎ.

ئەنڎامو دەسەو گرڎی پارتو یۊبیەو دیموکراتېک (پەیەدە)ی ساڵح نوح ئەرەیاۋناش:'' جە ۋەڵېنگەنە فرەو شۊڕشاو کورڎی ئامێنۍ ئاراوە و ۋاتش؛ فاشېزم گر جۊرە ھجومێۋەش ئەنجامدان.  جە دماو ئەرەمەرزناو جمیەرو ئازاڎیی کورڎسانی و ھەڵۋێسو ڕابەر ئاپۊی ۋەڵېنگێۋە تازە نۋیسیاۋە. ڕابەر ئاپۊ جە سەرەتاو گلێرگەو ۋێڕسکیۊ تا سەردەمو ئارۊی، جە بارەو ژیۋاو گلێرگەکاۋە  ۋەنەکۊڵیایش کەرڎ و جوابېچش دانۊ.

پۍ دلێنە بەرڎەو ئا دەسکۊتا و پۍ ئانەی دەسەڵاڎ دارا، گەلی کەرانۍ کۊیلەو ۋێشا، دەوڵەتا دەسەڵاڎ داری ھجومشا کەرڎ سەرو ھزرو فکرو ئەندێشەی ئازاڎیی بەڵام سەرنەکۊتۍ. ۋەرو ئانەی دەسەڵاڎ دارۍ سەرنەکۊتۍ، پېلانگێڵنایشا دەسپنە کەرڎ. بەڵام جە سایەو خۆنکارو شاگرڎەکاو ڕابەر ئاپۊی و ھزرو نەتەۋەو دیموکراتیک-یۊ، دۊڵەتا دەسەڵاڎ دارۍ ھەمڎیسان شکسشا ئاورڎ".

ساڵح نوح باسش چانەی کەرد کە پېلانگێڵنای دمایش نامان و ۋاتش،"بە مڎرامانو ڕابەر ئاپۊی و مڎرامان جە زینڎانە پېلانگێڵی پوچەڵ بېۊ، بەڵام دەسەڵات نېازش بۍ گۊشەگېری دلۍ گۊشەگېرینە سەرو ڕابەر ئاپۊیرە جابەجۍ کەرۊنە. بەڵام ھەمڎیسان حەر شکستش ئارڎ. ۋەرو ئانەی گەل خۊتان کەرڎەیشا جە دەسکۊتەکاو ڕەنجو ڕابەر ئاپۊی کەرڎ. دۊڵەتو ترکی جە دماین نمونەشەنە جە دژو مڎرامانو ڕابەر ئاپۊینە ھجومش کەرڎ سەرو ھەرێمەکاو پارێزناو مەدیای، بەڵام خۊنکارو شاگرڎەکۍ ڕابەر ئاپۊی بە مڎرامانۍ کە ۋەڵتەر ھامتاش نەبېەن جە ۋەران ۋەرو ھجومەکانە  ۋەرگېریشا کەرڎ. دۊڵەتو ئەرەگېرو ترکی جە سەرنېشتوو ۋەرکۊتوو سوریای گەرەکشا بە گرڎ جۊرۍ دەسکۊتەکا دلێنە بەرۊ بەڵام ئەشۊ ئانەی بزانۊ کە شکست مارۊنە. ئێمە پێسە گېان بەخشاو ھزرو نەتەۋەی دیموکراتېکی گوڕ بە مڎرامانی مرڎەیمۍ".

ھ.ش