مۆسکۆنە ١٥و ئابی مەبارەک کریا
مۆسکۆو پایتەختوو ڕوسیاینە، ٤٠ـەمین ساڵیادوو کۆشیای ٥و ئابی مەبارەک کریا.
کوردێ و دۆسەکێشا مۆسکۆو پایتەختوو ڕوسیاینە، ٤٠ـەمین ساڵیادوو هەڵمەتەو کۆشیای ١٥و ئابیشا مەبارەکە کەردە.
چالاکییەکە یانەی کولتووریی مرینە کریا، ئەوەڵوو چالاکییەکەی بە دەیەقێوە ڕێزنیای وەنەو گەشمەرداو شۆڕشی دەس پەنە کریا.
دمایی نوێنەروو لایەن و ڕێکوستەیە کوردییەکا سەروو ماناداری و مەبارەکی هەڵمەتەو ١٥و ئابی قسێشا کەردە و ئاماژە دریا پانەیە هەڵمەتەو ١٥و ئابی پەی ئازادیی گەلوو کوردی دەس پەنە کریا، بە سەرمەشقایەتیی ڕابەروو گەلوو کوردی دەسش پەنە کەرد و تەماموو دنیێنە ئا کۆشیایە پەسەند کریا.
قسەکانە سەرنجە وزیا سەروو گۆشەگیریی ئیمراڵی و داوا پەی وەرفراونتەرکەردەی کۆشیای ئازادیی کریا.
چالاکییەکە بە گۆرانییەکاو بڕێو جە هونەرمەندا دماییش ئاما.
