فەرماندەیی قەرارگەو مېیانی هێزەکاو پارېزنای گەلی (نەپەگە) بۆنەو حەفتەیی قارەمانی نەتەوەییۆ ئەرەیاۋنێوە نویسیاش وەڵاکەرڎۆ.

نەپەگە جە ئەرەیاۋناکەینە ماچۆ: "جە کاتێنە کە گەل پەنەوازی فرەش بە ئازادی و سەربەخۆبیەی بیەبۆ ، قارەمانێشا چنە بەرکۊتێنۍ. قارەماناو گەلی، بە ئازاڎیی، قەرارداری گۊرەو ئەوەکۊشایشا، کۊشش و ڕانیشاندایشا، دۆزو ئازادی گەلەکەیشا هۊرگێرا و بە دەوری تاریخی ۋێشا هۊرمێزا. ئی قارەمانۍ بە سەرمەشقایەتی گۆرەو هۆشمەندیشاوە، مەعنەویەتی قوڵ، هێزو سەرکۊتەی و ئشناسنامەو ئی گەلەیشا وەش کەرڎەن. گەلوو کوردی جە تاریخو هەزاران ساڵەیشەنە داراو چڼین قارەمانا بیەن کە جە ئاستو هەرێمی و نەتەوەیینە دەورشا گێڵنان و بە مڎرامانی داستانیشاوە نامێشا جە تاریخەنە تۆمارە کەردێنە. ئی قارەمانۍ جە زەینو گەلوو کوردینە نەخشیێنۍ و بە دەنگواچی، پەڼۍ و ڕازۍ جیاوازێوە سەرو زۋانیۆ وەڵۍ بیێنێوە."

جە ئەرەیاۋناکەینە وچیان: "جە ڕوۍ نەورۆزینە کە پەی گەلوو کوردی ڕۆو مڎرامانی و سەرەتێوە تازەن، ڕابەر ئاپۆ هەنگامېوە تاریخیەش هۊرگېرتە و ئی خاڵۍ دەسنیشان کریا، بەرکۊتەی تاریخیانەو ڕابەر ئاپۆی جە سەدەو ویسینە و بەرکۊتەی میلیتانا کە بە دڵسۆزییوە بەشدارۍ ئایدۆلۆژیاو ئاپۆیی بیێنۍ، پرۆسەو سەردەمو حەفتەیی قارەمانی نەتەوەیی گەلوو کوردیشا دەسپنەکەرڎ. ئی پرۆسە نیم سەدەن چنی پەکەکەی یەکانگیر بیەن و ئازاتەرین و فیداکارتەرین میلیتانش وەشکەردەن کە جە حیچ چێوۍ نمەتەرسۆ. دلۍ ئی پرۆسە تاریخیەینە بە هەزاران قارەمانۍ بە بێ دووەدڵی ۋێشا فیداکەرد پەی ئازادی، ڕزگاری، پارېزنای بیەی و ئازادی گەلەکەیما، نامۍ ۋێشا جە تاریخەنە تۆمار کەرڎە. بە حەسرەت، وەشەسیای و حورمەتۆ سڵام جە ڕابەر ئاپۆی مکەرمۍ، کە بە هەنگامە تاریخیەکېش گرڎو ئی گەشەئەسایاشە دەسپنەکەردۍ، بە ئیرادێوە بێهامتاوە ٢٧ ساڵېن جە دژو سیستەمو ئەشکەنجەو ئیمراڵی ئینا مڎرامانەنە و تا ڕۆزگارو ئارۊیچما ڕابەرایەتی تەڤگەریماش کەرڎەن، فیدایی سەرمەشق و گۊرەتەرین قارەمانو ئەوەکۊشایمانە.

هەمڕا مەزڵوم و عەگید ڕەسەنتەرین کەسایەتیێنێ کە جە کەسایەتیی ئاپۆیینە ڕەنگشا دانۆ

گەلوو کوردی بەینو حەفتەو ٢١ا ئادارینە کە هەمڕا مەزڵوم دۆغان "کاوەی سەردەم" جە زینانو ئامەدینە چالاکی تاریخیشا دلێنە ئەنجام دا و ٢٨و ئاداری ڕۆو گەشمەرڏە بییەو فەرماندەو ئەفسووناوی گەلوو کوردەسانی هەمڕا مەحسوم کۆرکماز (عەگید)ی پێسەو حەفتەو نەتەوەیی قارەمانێتی موبارەک مکەرۆ. هەڵوێسو کادرا سەرمەشقو پارتو پەکەکەیما هەمڕا مەزڵوم دۆغان جە زینانو ئامەدینە ڕوح و ڕاو مڏرامانو پەکەکەیشا دیاری کەرد. هەمڕا عەگیدیش ئی ڕوح و ڕێشە یاونا کەشەکا کوردەسانی، گەریلایەتی دەسش پنەکەرد و ڕێبازو جەنگو فیدایەتیش خوڵقنا. جە کەسێتی قارەمانا نەتەوەیی گەلوو هەمڕەیانە مەزڵوم و عەگیدینە بە دڵسۆزی و گۆرەتەرین شکۆوە گەشمەرڏاما یاڏ مکەرمێوە. سەرو ئی بنەمی حەفتەو قارەمانێتی نەتەوەیی جە گەلوو کوردی وڵاتپارێزی و گرڏو هەمڕەیا کە جە مێڏانەکانە موبارەک مکەرمێنە.

هەمڕاما عەگید، بە دڵسۆزیییۆ پەی ڕابەر ئاپۆی و گەریلایەتیی و بە باوەڕداریی سەرمەشقایەتی گۆرەو هەڵمەتەو ١٥و ئابیش کەرد. هەمڕا عەگید، ئیرادە و بوێری گەلوو کوردیش جە کەسێتی وێشەنە نیشانەدا و بیی بە فەرماندێوە گۆرە و سەرمەشق و گەلی. بە پراکتیک و ئەوەکۆشایش جە کەشەکا کوردەسانینە گەریلایەتیش هورچەرخنا سەرو هێڵێ و شێوەش دا بە جەنگو گەلوو شۆڕشگێڵیما. هەنگامەی بوێرانەو عەگیدی ڕاش پەی بڵاوبوونەوەیوەڵابییەیۆ گەریلایەتی پەی گرڏو لاکا کوردەسانی و ڕاوەبەردەو ئەوەکۆشای بێهامتا جە دژو ئەرەگیری کەردەن. ئەوەکۆشای گەریلایەتییما کە بە یوەم گولـێ فەرماندەو نەمرما هەمڕا عەگید دەسش پنەکەرد، چارۆنە فاڕیان پەی سوپێوە ئاپۆیی. گەریلاکا ئازادی کوردەسانی کە سەرمەشقایەتی جەنگو گەلی شۆڕشگێڵیما مکەرا، جە ئەوەکۆشای ٤١ ساڵەشا با ئەزمووناوە کە بە ونەو گەشمەرڏا بە دەس ئامان، جە سەیەو ئەوەکۆشای بێهامتایشا نیشانەشادا هێزێوە گۆرەن و هیچ کاتێ مەمەڕیۆنە.

گەریلاکا ئازادی کوردەسانی بە گرڏ شێوێ وێشا پەی ئازادی جەسەیی ڕابەر ئاپۆی تەرخان کەردەن، پێسەو ئانەی جە ئیسەنە هەن جە ئیسۆ بەدما ئەرکو پارێزناو گەلەکەیما و پارێزناو ڕەوای بە شێوێ سەرکەوتووانە جابەجێ مکەرمێ. بە هۆشمەندی، روح، قەرارداری و ئا ئەزموونێ کە جە قارەمانێتی نەتەوەییەکا گەلەکەیماوە هورما گێرتێنێ، قەولما واوەی مکەرمێوە ئەوەکۆشایما گۆرەتەر بکەرمێنە و شایستەو یاڏکەردەیشاوە بیمێ. پەیوەس پینەی واوەی حەفتەو قارەمانێتی جە هەمڕێیاما و گەلوو وڵاتپارێزی موبارەک مکەرمێنە و هیواو سەرکۆتەی پەی ئەوەکۆشایشا وازمینە کە جە گرڏ مێڏانەکانە بەراش ڕاوە."