فەرمانڎەو قەرارگەو نەپەگەی ئەرەیاۋناش؛ کە ئاڎۍ پەنەوازیەکۍ چڕیەکەو ھامسەرۊکایەتی دەسەو ۋێڕاۋەبەری کەجەکەی پۍ "مڎراو چالاکی سەروازی" کە بە مەڵامەتو بومەلەرزەکەیۊ ئەرەیاۋنیابۍ جابەجۍ مکەرا.
ئەرەیەۋناکەو فەرمانڎەیی قەرارگەو ناۋەنڎو پارێزناو گەلی(نەپەگە)ی پی جۊرەنە:
جە ڕۊو ٦ و شوباتو ئی مانگێنە ئا بومەلەرزەی کە ڕوۋەشدا و چەقەکەش بازارجخ بۍ، فاڕیا پۍ کارەساتۍ گۊرەی. گەلەکەما چا کارەساتنە زەرەرۍ فرەش ۋەرکۊت ھەم گېانی ھەم ماڎی. جە گەلاو کورڎی و عەرەبی و تورکی بە دەیان ھەزار کەسۍ گېانشا جە دەسدا و ھەڵای بە دەیان ھەزارۍ تەریچ چێرو دارو پەردو بېناو باڵەخانە وڕاکانە چەمەڕاو ئانەینۍ کە ڕزگار کریا. چی ڕوۋە پەڕ ئێشەنە گەلەکەما ئېنا دلۍ ئێشو ئازاریەنە. ھەست پا ئێشەیە کەرمێنە کە گەلەکەما چەشۊنەش، داواکەرمۍ ئا کەسێما کە فەوتشا کەرڎەن گنانە چێرو ڕەحمەتو بەزەیی خۋڎا ۋەنڎی و سەرەۋەشی جە بنەیانەو کەسوکاریشا مکەرمۍ. ھومێڎو زوو خاس بېەیۊ پۍ زامڎارەکایچ موازمۍ.
کەم کەرڎەیۊ ئێشو ئازارو گەلەکەیما و تېمار کەرڎەو زامەکاشا ئەرکێۋی گۊرەی مرۊیی و ۋیژدانی و ئەخلاقېا. جە لاو ئێمۊ چی ڕوۋە کارەساتبارانە جوڵیایۊن بە وریاېۊ ۋەڵۍ وستەو پەشتېۋانی و سوککەرڎەی و چنە ۋیەرڎەی گۊرەتەرین مامەڵەو ھەڵسوکەوتاو گەرەکمانە پەشتېۋانی ئەچېنەی بکەرمۍ. ئەشۊ گرڎو ھێزەکاو پارێزناو جەوھەری ئێمەو ئەرەمەرزیا ۋڵات پارێزەکا، پەشتېۋانی جە گەلی بکەرا جە پێناوو ھامکارینە سەفەربەرۍ با. بە تایبەت چا مەنتېقانە کە کەسشا پۍ ڕەۋانە نەکریان و ئا مەنتېقۍ کە دلێنە شېێنۍ، خاستەرین چێو ئانەنە. سەرو ئی بنەمایە ئێمە پەشتېۋانی جە چڕیەکەو ھەڤاڵ جەمېل بایکی مکەرمۍ کە بەنامۍ ھامسەرۊکایەتی دەسەو ۋێڕاۋەبەری کەجەکەیۊ ئەرەیاۋناش و ئێمە پەنەوازیە کرداریەکاش دەسەبەر کەرمێنە.
چی بوارەنە چڕیەیما پۍ گرڎو گەریلاو ، شەڕڤان و یەکېنەکاو پارێزناو جەوھەریما ئانەنە:
جە چۋارچێۋەو چڕیەو ھامسەرۊکایەتېمانە، ئەشۊ گرڎو چالاکېەکا جە شارەکانە مڎرانە، ھەر پاسە ئەگەر ھێزەکۍ ترکی ئەرەگېری جە مەیڎانەکانە ۋەران ۋەرو ھێزەکاماۋە کە ئېنۍ سەنگەرەکاو مڎرامانېەنە ھجومشا ئەنجام نەڎا، ئەشۊ بە حېچ نەوعۍ چالاکی ئەنجام نەڎریۊ. تا فەرمانەی دوۋەمە پۍ گرڎو ھێزەکا پارێزناو ڕەوای دیاری کریۊنە، جابەجۍ کەرڎەو ئی فەرمانیە ئەرکێۋی پەنەوازەن.
مزانمۍ کە ڕژێمو ئاکەپە- مەھەپەی ساڵانە جە چۋارچێۋەو سېاسەتو قڕکەرڎەینە جە کورڎسان، گرڎو سەرچەمە جەوھەریەکاو تورکېای پۍ جەنگی خەرج کەرۊنە و جە دژو ھێزەکاو ئازاڎیما و گەلەکەیماو گرڎو ئەرەمەرزیاکاما، پلانە پۍ ھجومی گۊرەی مجۊرە. ھەرپاسە ئی حکومەتە کە لایەنگراو ۋێش بەشێۋێوی جیاجیا دۊڵەمەنڎۍ کەرۊ، ۋەرو ئانەی جە پێناوو ژیۋایو پارێزناو ژیۋاینە حېچ داھاتۍ سەرف مەکەرۊنە و ڕێکوستەو بېناسازی ڕێک مەوزۊنە، گرڎو گەلەکەیماو گەلاو ترکېەی بە ئێشو ئازارۍ گۊرەرە ۋیەرانۍ. قوربانېۍ فرۍ ھەنۍ، ھەر پۊکەی پەنەوازش بە ھامکاری کۊمەڵایەتی ھەن. ئێمە چا چۋارچێۋەنە بە ڕێزۊ ئەرەیاۋنمێش بەپاو قەرارو ڕانمایی سېاسی گەلی و ئاخێزەکەیما، ۋەرپەرسېاری ۋێما جابەجۍ کەرمۍ.
ھ.ش
