نەژادپەرسێۋە بەنامۍ محەمەد بەیازیدی ھجومش کەرڎ سەرو باڵەخانەو ھەدەپەی جە ئەستەنبوڵ. ھجومکەرەکە ۋاتش،" شمە تېرۊریستێن دۍ" ئەنڎاما ھەدەپەی ڕاگیریشا چنە کەرڎ و ناستشا خراپە کاری کەرۊنە.

ھجومکەرەکە ئەرەیاۋناش، یانەش ئینا کاغتخانە و دوۋۍ کەسۍ بەنامەکا محەمەدی و فەرھادی جە مزگی ھارمانتەپېۋە ئاڎشا کیاستەن کە ھجوم کەرۊنە سەرو باڵەخانەو ھەدەپەی.

ئەنڎاما ھەدەپەی ئا کەسشا ڕادەسو پۊلېسی کەرڎ و سکاڵایچشا جە دژ تۊمار کەرڎ. قەرارا ھجومکەرەکە ڕەوانەو داڎگای کریۊنە.

دماو ھجومەکەی پارێزگار ئەرەیاۋنێۋەش ۋەڵاو کەرڎۊ، باسو ئانەیش کەرڎ کە ساڵۍ چێۋەڵتەر ھجومکەرەکە تاوانەو 'پەلاماردای و ھەڕەشۍ جێندەریێش' ئەنجامدێنۍ و زەرەرش بە چن ئامێرێۋە یاۋنان.

پارێزگار ئېدیعاو ئانەیش کەرڎ کە ھجومکەرەکە لوۋان پۍ نەۋەشخانەی دەرونی و چارەکەردەی ھورمگێرۊ و نامێش جە نەۋەشخانەکەنە تۊمار کریان. ئېنەیچ تا ئېسە پەشت ڕاس نەکریانۊ.

ھ.ش