دمای بوومەلەرزەکەو سەرنیشتوو وەرپڕوو کورڎسانی، کە هەزاران هاموەڵاتی بیۍ قوربانی، هاموەڵاتییاو پانیشتوو کورڎسانی جە بڕۍ یاگا و سەنتەرانە، دەسشا کەرڎەن بە کۊکەرڎەیۊ هامکاری پەی زەرەروەنەکەوتەکا بوومەلەرزەکەی.
هاموەڵاتییاو پانیشتوو کورڎسای جە چنڎین ناوەندێنە دەسشا کەرڎەن بە کۊکەرڎەیۊ هامکاری پەی وەنەقۊمیایا و بومەلەرزەکاو سەرنیشتی و وەرپەڕوو کورڎسانی.
بە شێوێوە سەرەکی جە سلێمانی، هەولێر، گەرمیان دەس کریان بە کۊکەرڎەیۊ هامکاری و چەمەڕوانیچ کریۊ فرەو لایەکا تەریچۊ هامکاری کۊ کریۊوە.
هەولێر
هەولێرنە هامکاری پەی وەنەقۊمیایا بومەلەرزەکەو سەرنیشتی وەرپڕوو کورڎسانی کۊ کریۊوە.
کۊکەرڎەیۊ هامکارییەکا جە سەعات ٠٨:٠٠وو سەرسەعبیۊ تا شەوۍ دێرۍ درێژەش هەن.
گەرمیان
شاروو کەلارینە جە گەرمیان، ژمارەێوە چالاکۍ وێبەخشۍ و کورڎپەروەرۍ دەسشا بە کۊکەرڎەیۊ هامکاری پەی وەنەقۊمیایا بوومەلەرزەکەو سەرنیشت و وەرپڕوو کورڎسانی کەرڎەن.
سلێمانی
جە سلێمانییچنە ماوەی ویەردەنە دەسشا بە کۊکەرڎەیۊ هامکاری پەی وەنەقۊمیایا بومەلەرزەکەو سەرنیشت و وەرپڕوو کورڎسانی کەرڎەن، کە جە ئەمنە سوورەکەنە کۊ کریۊوە.
حەرپاسە هیزی ناوەندوو کۊکەرڎەیۊ هامکاری جە کارگەو جگەرەو سلێمانینە دەسش پەنە کەرڎ و هاموەڵاتیۍ هامکاریی وێشا پەی مۊزەخانەو ئەمنەسوورەکەی و کارگەو جگەرەو سلێمانی بەرا.
گێرا ئی کۊکەرڎەیۊ هامکارییە چنڎ ڕووۍ تەر خواینۊ و دماتر پەی وەنەقۊمیایا بوومەلەرزەکەی کیانیۊ.
