ھەپەگە ناسنامەو ٥ ژەنە گەریلایاش ۋەڵاو کەرڎۆ کە جە بەستا گەشمەرڎۍ بېۍ و ئەرەیاۋناش:ھێزەکۍ یەژاستاریما کە بە فېدایی و بەشێۋێۋی ئەفسوناوی ۋەرگېری و مڎرامان کەرێنۍ ، بېۍ بە شکۊو ڕووسوری پۍ ژەناو ئازاڎی وازو گەلو کورڎسانی .
ناۋەنڎو ئەرەیاۋناو پەیۋەنڎیەکا ھەپەگەی سەبارەڎ بە گەریلا گەشمەرڎەکاو بەستای ئی زانېاریێشە ۋەڵاو کەرڎۍ :
" سوپاو ترکی ئەرەگېری جە ٢١ کانونو دوۋەمی جە ھەرێمو بەستاو بۊتانی بە پەشتېۋانی کۊنتراکا ئۊپەراسېۊنێۋەش دەسپنەکەرڎ . جە ٢٢ کانونو دوۋەمېەنە ھێزە قارەمانەکۍ یەژاستاریما پۍ ئانەی گورزێوی کاریگەر جە ھجومو دوژمنی بڎا ، دەسشا بە جموجوڵ کەرڎ . ئەرەگېرۍ و کۊنتراکێشا وستۍ چێرو چەمڎاری و کۊنتڕۊڵ و ۋێشاۋە ، جە ٢٢ کانونو دوۋەمېەنە سەرەتا بە
نېشانە بڕە جە کۊنترا نېعمەت ئەنجویشا داو بە سزاشا یاونا ، دوژمنی تەرسنۊک و کۊنترا دڕنڎەو ھارەکێس کە نەیارێنۍ دەسەو یەخە چنی ھێزە فېداییەکاو یەژاستاریما جەنگ کەرا ، بە تەکنەلۊجیاو جەنگی بۊمب ۋارانۍ قورس و مەنتېقەکەیشا کەرڎ . ئا بۊمب ۋارانە چن سەعاتێو ۋەردەوام بۍ و دوۋۍ ھەڤاڵێما گەشمەرڎۍ بېۍ ، ئېجارە ھێزەکێما بە چالاکی ئەرەتەقایۊ جە سوپاو دوژمنېشا دا جە ئاکامشەنە ٢ ئەرەگېرۍ کوشېۍ و ۋەرپەرسۍ گۊرەیچشا زامڎار کەرڎ ،
جە ٢٢ -٢٣ کانونو دوۋەمېەنە چۋار ھەڤاڵێما جە دژو ئەرەگېراو کۊنترا خېانەتکارەکاۋەو تەکنېک و جەنگو دوژمنی ئازایانەو قارەمانانە جەنگشا کەرڎو سەرەڕاو ئانەی کە مەجالێۋە ۋەرتەسکشا بۍ ، ۋەلێم بە شێۋێوی ئەفسانەیی وەرگریشا کەرڎ پۍ ئانەی بە زینەیی نەگنانۍ چێرو دەس و دوژمنی فېداییانە ۋێشا گەشمەرڎە کەرڎ .
ھەڤاڵا ژەنێما چێرو فەرمانەو فەرمانڎەیی یەژاستاریمانە ھەڤاڵە ڕۊژبېنێنە جەنگشا کەرڎ ، ئېراڎەو باوەڕی ۋێشا بە سەرکۊتەی و زیرەکی و ژیری و تاکتېک و ژەنا بە مڎرامان و ۋێشا ، جارێۋەتەر سەلەمنا . چا ئۊپەراسېۊنەنە یۊ جە گەورەتەرین کۊنتراو دوژمنی و خائېن بە گەلو ۋێش بەنامۍ نێعمەت ئەنجوی سزادریا . ھەڤاڵا ژەنۍ چی ئۊپەراسېۊنەنە یۋەم گولۍ ۋێشا جە دڵ و کۊنترێۋە داو پی جۊرە توڕەیی ۋێشا ۋەران ۋەرو خائېن و کۊنتراکاو کورڎسانینە نېشانە دا .
ھێزە فېداییەکۍ یەژاستاریما بە فەرمانڎەیی ھەڤاڵە ڕۊژبېنۍ جە بەستا پی سەرڎاو سڵێۋەو چی فەصڵ و زمسانېەنە مڎرامانۍ ئەفسانەیشا کەرڎو جە ۋەڵېنگەو ئەرەکۊشاو ژەنا ئازاڎو گەلو کورڎیەنە بە شکۊمەنڎی و ڕووسوری یاگۍ ۋێشا کەرڎۊ . ئێمە زانېای سەرو ناسنامەو ھەڤاڵاما
" ڕۊژبېن ، دەلېلا ، سېلا ، نودا ، دیرۊک "ەو زانېای جە بارەو ناسنامەو ھەڤاڵی ششەمو گەشمەرڎەیماۋە دماتەر ۋەڵاو کەرمێۋە . عەھد مرەیمۍ کە ئامانج و ژەنا ئازاڎی وازی بېاونمۍ بە کورڎسانۍ ئازاڎی و ڕابەرۍ ئازاڎی ، گرڎ ۋەختۍ خۊتان داریشا چنە کەرمۍ و یاڎشا کەرمێۋە . ۋەڵۍ گرڎ چێۋێنە سەر ۋەشی جە خانەواڎەو ۋەتەن پەروەرو ۋڵات پارێزو ھەڤاڵە گەشمەرڎەکاماو گرڎو گەلو کورڎی کەرمێنە .
زانېای سەرو ھەڤاڵە گەشمەرڎاکاما پی جۊرەنە :
نامۍ / ڕایفعە کوتلاک
ئەشناسېۍ بە / ڕۊژبېن دەرسېم
یاگۍ جە ئەڎا بېەیش / جۊلەمێرگ
نامۍ ئەڎاو تاتەی / مریەم – حەسەن
ۋەخت و یاگۍ گەشمەرڎە بېەیش / ٢٢ / ١ /٢٠٢٣ بەستا
**
نامۍ / ئەڤېن ئەنجو
ئەشناسېۍ بە / دەلېلە گۊیی
یاگۍ جە ئەڎا بېەیش / شرنەخ
نامۍ ئەڎاو تاتەی / نەعېمە – حەمېد
ۋەخت و یاگۍ گەشمەرڎە بېەیش / ٢٢ / ١ /٢٠٢٣ بەستا
**
نامۍ / حەمدییە تەکبوداک
ئەشناسېۍ بە / سلا فاراشېن
یاگۍ جە ئەڎا بېەیش / وان
نامۍ ئەڎاو تاتەی / تایبەت – سەلاحەدین
ۋەخت و یاگۍ گەشمەرڎە بېەیش / ٢٣ / ١ /٢٠٢٣ بەستا
**
نامۍ / زۊزان ئۊجال
ئەشناسېۍ بە / نودا ئارین
یاگۍ جە ئەڎا بېەیش / وان
نامۍ ئەڎاو تاتەی / شېرین – سەیوان
ۋەخت و یاگۍ گەشمەرڎە بېەیش / ٢٣ / ١ /٢٠٢٣ بەستا
**
نامۍ / لەیلا ساین
ئەشناسېۍ بە / دیرۊک سەرحەد
یاگۍ جە ئەڎا بېەیش / سێرت
نامۍ ئەڎاو تاتەی / حوسنییە – ئەحمەڎ
ۋەخت و یاگۍ گەشمەرڎە بېەیش / ٢٣ / ١ /٢٠٢٣ بەستا
ھ.ش
