ناۋەنڎو یاۋنەری و چاپەمەنی ھەپەگەی ئەرەیاۋناش،"سوپاو ئەرەگېرو ترکی جە ڕاو بەکار ئاورڎۊو ماڎەو فسفۊڕیۊ، تاۋانەو جەنگی ئەنجام مڎۊنە. گەریلاکۍ ئازاڎیی کورڎسانیچ جە دژو ھجومەکا سەرو بناغەو ۋۍ پارێزنای، جواب مڎاۋە. مەیڎانەکۍ چێرو کۊنتڕۊڵ و ھێزەکاما، کەرەتۍ بە تەیارەی جەنگی و ٤٣ کەرەتۍ بە تانک، ئۊبۊس، چەکی قورس، بۊردومان و تۊپ ۋاران کریۍ. مەیڎانو مدرامانو گەریلای ١٥ کەڕەتۍ بە تۊپەی فسفۊڕە تۊپ ۋاران کریۍ.

ھجومەکۍ دۊڵەتو ترکی ئەرەگېری بە فراوانی؛

جە ھەرێمو زاپی ؛

ڕۊو ٢٥ شوباتی سەعاڎ ١٠:٣٠ پۍ ١٢:٠٠ی جە ناحېەو شېلادزۍ و مەنتېقەو ئامێدی، ئەرەگېرەکۍ ھجومشا کەرڎ سەرو سەنگەراکاو مدرامانی نزیک بە دەگاو سیدای. ھێزەکێما پۍ ۋۍ پارێزنای بە چەکی قورس ئۊو ئەرەگېراشا دا.

ڕۊو ٢٥ شوباتی سەعاڎ ١٩:٠٠و ۋێرەگای جە ناحېەو شېلادزۍ و مەنتېقەو ئامێدی، ئەرەگېرەکۍ ھجومشا کەرڎ سەرو سەنگەراکاو مدرامانی نزیک بە دەگاو سیدای و نېازشا بۍ کامێرۍ حەراریۍ یاگە گېرۍ کەرانۍ. ھێزەکێما ناچارۍ بێنۍ ۋێشا پارێزناو بە شێۋەو نېشانە ماڕۍ ئۊو ئەرەگېراشا دا. جە ئاکامەنە ئەرەگېرۍ سزا دریا.

ھجومو ترکی ئەرەگېری بە بۊمبی قەڎەغە کریا؛

ڕۊو ٢٥ شوباتی جە ناحېەو شېلادزۍ و مەنتېقەو ئامێدی، نزیک بە دەگاو سیدای، ئەرەگېرەکۍ ترکی ١٥ کەڕەتۍ بە تۊپەی فسفۊڕە ھجومشا ئەنجامدا.

ھجومو سوپاو ئەرەگېرو ترکی؛

ڕۊو ٢٤ شوباتی مەیڎانو خێری گارەی جە تەرەفو تەیارە جەنگېەکاۋە بۊمب ۋاران کریا.

ڕۊو ٢٥ شوباتی جە ناحېەو شېلادزۍ و مەنتېقەو ئامێدی، نزیک بە دەگاو سیداو چەمچۊی، ئەرەگېرەکۍ ترکی ٤٣ کەرەتۍ بە ئۊبۊس، تانک، چەکی قورس، سەنگەرەکۍ مدرامانیشا بۊمب ۋاران کەرڎۍ.

ھ.ش