کەمپینو 'ئازادی پەی پەخشان عەزیزیێ' ئەرەیاوناش، کە ئا ڕۆنامەنویسە زینانیێ ماوەو ١٠٠ ڕوان نەتاوانش بنەیانەکەیش و پارێزنەرەکاش بوینۆ و جارێوەتەر داواشکەردە، سزاو جەقەنارەدای ئا زینانییە سیاسییە کوردێ هۆرشێویۆوە.
هەڵمەتۆو ئازادی پەی پەخشان عەزیزیێ جە ڕاو پەلیانەکاشۆ جە تۆڕەکۆمەڵایەتیەکانە زانیاریش دەربارەو ئاژەو عەزیزیێ وەڵاکەردۆ.
ئەرەیاویاکەینە ئامان، ماوەو ١٠٠ ڕوا سەرو قەڎەغەکەردەی دیڎارو پەخشان عەزیزیۍ چنی بنەیانە و پارێزنەراشەرە ۋییەرد.
جە درێژەنە ڕاپنەنەڎایی بە ویناو پەخشان عەزیزیۍ چنی بنەیانەی و پاڕێزنەراش پێسەو زەقتەرین پاشێلکاری مافەکا مرۆڤو دەسەڵاتی پێناسەکریان.
جە دمادمایچەنە کەمپینو ئازادی پەی پەخشان عەزیزیۍ ئەرەیاونانش، "داواکارێنمێ دەمودەس سزاو جە قەنارەدای پەخشان عەزیزیۍ هۆرشنریۆوە و ئازاڎە بکریۆ".
پەخشان عەزیزیە خەڵکەو شارو مهابادینە جەوەرکەوتو کوردەسانی. ڕۆنامەنویسە، داکۆکیکارەو مافەکا ژەنا و توێژەرەی کۆمەڵایەتی بیێنە. ڕۆو ٢٣/٧/ ٢٠٢٤ جەلایەنو لقو ٢٦و دادگاو شۆڕشیۆ جە تاران بە سەرۆکایەتی دادوەر ئیمان ئەفشاریۍ سزاو جەقەنارەدایش سەرەرە سەپیا.
