کۊمېتەو پەشتېۋانی جە خانەۋاڎەو گەشمەرڎا پەکەکەی بە ۋەڵاوکەرڎەیۊ یاۋنەرێۋە ئەرەیاۋناش، ڕاپەڕین ئامەڎە یۊ جە فەرمانڎە قارەمانەکاو جمېەرو ژەنا کورڎی گەشمەرڎۍ بېێنە.

جە ئەرەیاۋناو کۊمېتەو پەشتېۋانی جە خانەۋاڎەو گەشمەرڎانە ئامان، ھەڤاڵە ڕاپەڕېنە، ساڵەو ١٩٦٩ی جە خانەۋاڎێۋە ۋڵاڎ پارێزی جە قەڵاو مدرامانی جە فارقین و ئامەڎی جە ئەڎۍ بېێنە. ھەڤاڵە ڕاپەڕینە ساڵەو ١٩٧٧ی چنی خانەۋاڎەکەیش بارشا کەرڎەن پۍ ئەنقەرەی.

دماو گێڵایشۊ پۍ ئامەڎیی مەجالو ئانەیش پۍ ڕەخسېۊنە جە نزیکۊ ئەرەکۊشای ئازاڎیی کورڎی بە ۋەرھەنگامەو پەکەکەی بشناسۊ. ۋەرو ئانەیچ جە دما دماییەکاو ساڵەو ١٩٩٢ێنە جە ئەیالتو ئامەڎیۊ ملۊنە دلۍ ڕېزەکاو پەکەکەی.

ھەڤاڵە ڕاپەڕینە جە ساڵەو ١٩٩٦ی لوۋا پۍ مەیڎانو سەرۊکایەتی تا ساڵەو ١٩٩٨ی جە مەیڎانو سەرکردایەتېنە مەنۊ.

ھەڤاڵە ڕاپەڕینە جە ساڵەو ٢٠٠٠ تا ٢٠٠٥ پۍ درێژدای بە ئەرەکۊشای ئەرکو ئەرەکۊشایش جە ئۊروپانە پنەسپاریا چالاکانە بەشڎاری جە چالاکېەکاو ئۊروپاینە کەرۍ و بە تایبەتی دژو پاکتاوکاریەکاو ئا سەردەمو قۊناغەیە مدراۋە و ۋەرھەنگامە پۍ ئەرەکۊشای کەرۍ.

جە ساڵەو ٢٠٠٦- ٢٠٠٧ی بەشڎاریش جە ھەرمانەو خەباتو ۋەرکۊتوو کورڎسانیەنە کەرڎو ساڵەو ٢٠٠٨یچ بەشڎاریش جە ئەرەکۊشاو "پەجەدەکەینە" کەرڎو پۍ ماۋەو ساڵۍ چالاکانە چا ئەرەکۊشانە بەشڎارەبۍ.

جە ساڵەو ٢٠١١ینە پۍ دیۋانو سەرۊکایەتی کۊنگرەو گەلی ھۊرچنېا.

ھەڤاڵە ڕاپەڕینە جە ١٧و حوزەیرانو ٢٠٢٢ێنە جە ئاکامو ھجومەکاو دۊڵەتو ترکېەینە گەشمەرڎۍ بیێنە.

ئێمە جارێۋەتەر جە کەسایەتی ھەڤاڵە ڕاپەڕینێنە بە ڕێزۊ یاڎو گرڎو گەشمەرڎاو شۊڕشی کەرمێۋەو عەھدیچما ئانەن، کە بە دڵنېایۊ ئەرەپەرسای جە دۊڵەتو ترکی فاشېستی و ھامکارە خائېنەکاش مکەرمێۋە.

ھ.ش