ئەندامێوە شانەو قەیرانەکا و هامسەرۊکەو بەشوو ئەرەیاونای جە وێڕاوەبەریی سەرنیشت و وەرکەوتوو سووریای، بەرش وست کارەوانوو دووەموو هامکارییەکا یاوان دەروازەو منبجی.
ئەندامێوە شانەو قەیرانەکا و هامسەرۊکەو بەشوو ئەرەیاونای جە وێڕاوەبەریی سەرنیشت و وەرکەوتوو سووریای، بەرش وست کارەوانوو دووەموو هامکارییەکا یاوان دەروازەو منبجی، کە ٥٠ تەنکەرۍ سۊتەمەنیین و چەمەڕوانۍ ڕاپەنەدای حوکمەتوو دیمەشقینۍ، وەروو ئانەی بلا دلۍ شاروو حەلەبی و هامکارییەکا یاونا بە زەرەرەوەنەکەوتاو بوومەلەرزەکەی.
"جوان مەلا ئیبراهیم"ە ئەندامەو شانەو قەیرانەکا و هامسەرۊکەو بەشوو ئەرەیاونای جە وێڕاوەبەریی سەرنیشت و وەرکەوتوو سووریای ئەرەیاوناش، ئا هامکاریۍ جە لاو ئیدارەو وێڕاوەبەرییوە ٥٠ تەنکەرۍ سۊتەمەنییشا چەنەن، قەرارا ڕوانەو دەگا و مەنتێقە زەرەروەنەکەوتەکاو شاروو حەلەبی کریۊ، وەلێم ئەگەر حوکمەتوو دیمەشقی ڕا بڎۊ بلا ئا مەنتێقا.
"جوان مەلا ئیبراهیم"ە پەشتڕاسش کەردۊ، کە ئادۍ پێسە ئیدارەو وێڕاوەبەریی سەرنیشت و وەرکەوتوو سووریای، ئامادێنۍ پەی ڕوانەکەرڎەی ئا هامکارییا پەی مەنتێقە زەرەروەنەکەوتەکاو بوومەلەرزەکەی و تا ئیساتێچ پەی ورگێرتەی ڕاپەنەدای و یاونای هامکارییەکا چەنی لایەنە فەرمییەکاو حەلەبی ئینۍ پەیوەندیینە.
ش. ئـ
