پەیامو کەنەکەی پەی ٨ و ئاداری
کەنەکە ئەرەیاۋناش ئا ژەنۍ بە کۊشش و ئازایی گۊرۆ ٨ و ئاداریشا یاونا بە ئارۊی، تاریخشا نوویستۆ، هەرپاسە ٨ و ئاداریش جە گرڎو ژەنا پیرۆز کەرڎ.
کۆمیسیۆنو ژەنا کۆنگرەو نەتەوەیی کوردەسانی (کەنەکە) بۊنەو ٨ و ئاداری ڕۆو جەهانیی ژەنە کرێکاراوە ئەرەیاۋنێوە نوویسیاش وەڵا کەرڎۆ.
جە ئەرەیاۋناکەینە ماچۆ: " ئا ژەنۍ بە کۊشش و ئازایێوە فرۆ ٨و ئاداریشا یاونان بە ئارۊی، تاریخشا نوویستەنۆ. مانگېرتەی گۊرەو ژەنە کرێکارا نیویۆرکی جە ساڵۊو ١٨٥٧ کە چنەشەنە ١٢٩ ژەنی کرێکارۍ ئێرشا ۋەردریانە، ئا ڕووە ڕووەی حەقەتینەو سەرمایەداری و تەرسیشا جە ۋەرا ۋەرو هێزو ژەنانە ئاشكرا بی. ئا ژەنۍ جە ساڵۊو ١٩١٠ جە کۆنفرانسو مېیاندۆڵەتی ژەنا سۆسیالیستینە کۊششا کەرڎ مڎرامانو ژەنا ڕێکوزا و ڕووبەڕوو سیستەمو ستەمکاری سەرمایەداری باوە".
جە ئەرەیاۋناکەینە سەرنج وزیان سەرو بانگەوازە تاریخیەکەو ڕابەر ئاپۆی و ماچۆ: "چی دماییانە ڕابەرو گەلوو کوردی عەبدوڵا ئۆجالان جە مانیفێستۆو "ئاشتی و گلېرگەو دیموکراتیک"ینە داواش جە ژەنا کوردی کەرد سەرمەشقی ئی پرۆسەیە بکەرا. دیسان جە پرۆژەو سەدێوەنە تەئکید مکەرۆوە کە سەدەو ویس و یەکی سەدەو شۆڕشو ژەنان. پی بۆنۆ بە ڕێزو حورمەتۆ یاڎو گرڎو گەشمەرڎەکاما مکەرمېوە، بەتایبەتی ئا ژەنە گەشمەرڎا کە بیۍ بە شۊڵەچراوەو ژیۋایما.
٨و ئاداری جە گرڎو ژەنا کوردی و ژەنا ۋەرکۊتوو مېیامینی و گرڎو ژەنا جەهانی پیرۆز مکەرمۍ و پەیلوایما چامنەن کە ڕووانۍ گەش و ڕۊشن به مڎرامانی هێقمو ژەنا مۍ دی."
