ڕامېیاریمەدار، نوویسەر و هۊنیېەر حەمید گەیلانی کە جە تەمەنو ٧٨ ساڵینە هێزی جە کاتو هۊرگېرتەی چارەسەی پزیشکینە جە خەسەخانێوە ئەنقەرەینە عمرەو خوڎایش کەرڎە.

هامسەرۆکایەتی کۆما جڤاكێن کوردەسان (کەجەکە) بۆنەو گیان جە دەسدای حەمید گەیلانیوە پەیامێوە سەرەوەشیش وەڵاکەرڎۆ.

پەیامەکەو کەجەکەی ئینەن:

"دڵتەنگێنمۍ بە گیان جە دەسدای وڵاتپارێزن و هەمڕایما حەمید گەیلانی. سەرەوەشی ۋێما جە بنەیانەکەیش، قەوم و دۊساش، هەرپاسە جە گەلی وڵاتپارێزنو جۆلەمێرگی، تەڤگەرو سیاسی کوردی و گەلو کوردی مکەرمۍ.

حەمید گەیلانی پېسە ڕۆڵێوە وڵاتپارێزنو گەلو جۆلەمێرگی، جە ۋەرا ۋەرو ئا ئێشا گەلو کوردینە مرداوە کە بە نکۆڵی، نادادپەروەری، تاونایۆ و قڕکەردەی چەشتێنێش. حەمید گەیلانی بە بێ هەڵوێسی نەمەنۆ و بە هۆشمەندی ۋەرپرسیارانە چنی گەلو کوردی جە مېڎانو سیاسەتی دیموکراتیکینە بەشدارو ئەوەکۊشای ئازادی بی.

چنی چنین هەمڕۍ سەنگیینیش سەرمەشقایەتیش جە وەڵێکۊتەی دیموکراسی و سیاسەتو دیموکراتیکینە کەرد و هامکاریێوە گرنگش کەرڎ. هەڤاڵ حەمید گەیلانی ڕۆشنۋیر و نوویسەرێوە بۍ، بە هونەرەکەیش گوزارشتش جە ئەوەکۊشای وڵاتپارێزی، ئېشەکا گەلو کوردی و هۆشیاربیەیۆ گەلو کوردی کەرۍ. چی ڕوانگۆ هامکاریێوە گۊرەو ئەوەکۊشایش کەردەن.

هامشێوەو جەمۍ جە هەمڕایا ۋێش کە ئەوەکۊشایش چنی کەردێنۍ، حەمید گەیلانیش ڕوبەڕوو سەختی فرەی بیۆ. چڼین کەڕەتۍ دووچارو ستەم و زۆرداری بیۆ، چن جارێچ باڵبەس کریان و بە ۋنەپەرسایۆ و زینانیکەردەیۆ ئەشکەنجە دریان. بەڵام حەجگیز ئاستو ئی ستەم و زۆردارییەینە سەرەش نەنامنانەرە و دەسبەردارو ئەوەکۊشا نەبی. ئا ژیۋای و هەڵوێسە هەڵبەتە فرە ماناڎار و بە قیمەتا. جە ۋەرا ۋەرو ئی ئەوەکۊشا ماناڎار و بە قیمەتەیشەنە کە پەیش کەردێنمۍ بەڕێز و شکۆوە یاڎو هەمڕایما حەمید گەیلانی مکەرمېوە."