پارتو ئیسلامی کوردەسانی (پیک) بەبۆنە و ساڵڕۆو کۆمکووژی دێرسیمی ئەرەیاونێوە نویسریاش وەلاکەردۆ واتش: "جە ٤و ئایاری ١٩٣٧نە، بە قەرارو ئەنجوومەنو وەزیرانی، بەرمەبناو زهنیەتو کەمالیستییۆ دێرسیمەنە کۆمکووژیی دەسشپنەکریا. چا کۆمکووژییەنە بەبێ هیچ جیاوازیێ جە ژەنێ، زاڕۆڵەی، پیر و جوانا جە دژو گەلوو دێرسیمی جینۆسایدێوە دڕندانە ئەنجام دریا."

جە بەردەوامی ئەرەیاوناکەینە سەرنج وسیا سەرو شێوازە دڕندەکا ڕاوەبەردەی کۆمکووژییەکەی جە لایەن و دۆڵەتو کۆمارییۆ و وچیا: "چارۆنە دۆڵەتو تورکی نەک بە تەنیا سنوورو تورکیاینە، بەڵکوم جە حەر چوارپارچەو کوردەسانی و چا یاگانە کە کوردش دلێنە مژیوۆنە، کینە جە دژو گەلوو کوردی درێژەش هەن و مافو ژیوایشا بە ڕەوا مەوینانە. پۆکەی حەجگیز کۆمکووژی دێرسیمی جە ویر مەکەرمێنە."

جە بەشێوە تەرو ئەرەیاوناکەینە دەستنیشان کریان دۆڵەتو ئەرەگیری جە بییە و ئازادی گەلوو کوردی تەرسۆنە و داوا جە گرڏ و جمیەرە سیاسییەکا کریان پری یۆبییەو نەتەوەیی و کوردەسانی ئازادی ئەوەکۆشای بکەرا

دماو ئەرەیاوناکەینە، پیک کۆمکووژیی دێرسیمی و گرڏو کۆمکووژییەکاش شەرمەزار کەرد کە کوردەسانەنە جە لایەنو ئەرەگیراوە ئەنجام دریێنێ.