ئەرەنېشتەو داڎگاییکەرڎەو "سەمرا گوزەل" پەرلەمانتارەو ھەدەپەی جە ٢٢ەمېن داڎگاو سزا قورسەکاو ئەنقەرەینە لوۋا ڕاۋە کە جە یەرۍ ئەیلولیەنە بە مەڵامەتو دۊسیێۋە ساڵەو ٢٠١٧یۊ

گېریۍ بۍ و بەعزۍ بەڵگۍ و ۋێنۍ دۊسیەکەشەنە ھەنۍ. جە ئەرەنېشتەو داڎگاېنە کە ژمارێۋە فرە پارێزەرۍ ئاماڎۍ بێنۍ، "سەمرا گوزەل" بە مەڵامەتو ئانەی کە ژمارێۋە فرە جە خزمو کەسەکاش بومەلەرزەکەنە گېانشا جە دەسدان، بەشڎاری ئەرەنېشتەکەیش نەکەرڎ.

پارێزەر سەنەم دۊغانئۊغلۊ داواش کەرڎ دۊسیەکە ۋزیۊرە.

پارێزەر ئارزۊ ئەیلەم کایا ئۊغلۊ ئاماژەش پانەی کەرڎ کە "دەستوری بنەڕەتی جە ڕاو داڎگایۊ پاشێل کریۊ".

پارێزەر سېنەم جۊشکون ۋاتش" موەکېلەکەو من ۋەرەنڕوو ھجومی سېاسی بیەنۊ".

داڎگا قەرارش دا گێرتەو "سەمرا گوزەل"ۍ درێژ کریۊۋە و ئەرەنېشتەو داڎگای پۍ ٢٨ و مانگەو نېسانی درێژ کریاۋە.

ھ.ش