ئەنڎامو دەسەو ۋێڕاوەبەری کەجەکەی " مستەفا قەرەسو " باسش چانەی کەرڎ ئا سېاسەتەی جە ئیمڕاڵی سەرو ڕابەر " ئاپۊ"ی ملۊ ڕاۋە مشېۊ پێسە سېاسەت و پاکتاوی ھورسەنگیۊ ئەشۊ ئەرەکۊشای جە دژو ئانەیچ پتەوتەر کرېۊ .
ئەنڎامو دەسەو ۋێڕاوەبەری کەجەکەی " مستەفا قەرەسو " جە مېان و بەرنامێۋە تایبەت و مېدیا خەبەرینە جە بارەو گۊشەگېری سەرو ڕابەرو گەلو کوردی ڕێزدار
" عەبدوڵا ئۊجالان "ی و کۊکوژی پاریس-ی و ھورچنېاکاو ترکیەی و فشارەکا سەرو ھەدەپەی و پەرەئەساکاو سوریەی ھورسەنگنایش کەرڎ .
"مستەفا قەرەسو" سېاسەتەکێش جە دژو ڕابەرو گەلو کوردی " عەبدوڵا ئۊجالان "ی پێسە سیاسەت و پاکتاوکەردەی ھورسەنگنۍ و واتش " جە ئیمڕاڵی سېاسەت و پاکتاو کەرڎەی ئینا ئارانە. ئەشۊ ئی ڕاسیە پی جۊرە بوینېۊ، ئەگەر پی جۊرە تەماشەش کەرمۍ، ئێمە بە ڕاسی کۊشېای کەرمۍ . ئەگەر ئەرەکۊشای بە پاو ئانەی بۊ؟ ئەگەر چا سېاسەت و پاکتاوکەرڎەی ملۊ ڕاۋە، جە دژو قڕکەرڎەی سەرو گەلۍ کۊشیای چنی ملۊ ڕاۋە ، ئەشۊ جە دژو گۊشەگیری جە ئېمڕاڵې- چ بە ئاڕاسەو ئازاڎ کەرڎەو ڕابەر ئاپۊې ھەمان کۊشېای بلۊ ڕاۋە .
پېلانگێڵنای دژو ڕابەر " ئاپۊ "ی جە ڕۊدېارو ٩ /١٠ / ١٩٩٩ دەسش پنە کەرڎ . ٢٤ ساڵێش سەرەرە لوانو پاش وستەن ساڵەو ٢٥ مینی، دماو مانگێوی تەری ٢٤ ساڵەو گێرتەیش تەمامېۊو پا وزۊنە ساڵەو ٢٥ ەمیڼی ، جە ڕاسینە بەشۍ فرەو ئا ٢٤ ساڵەېە بە گۊشەگیری دژوار سەرو ڕابەر ' ئاپۊ 'یرە گوزەرش کەرڎەن ، ماۋە ماۋە حکومەتو ' ئاکەپە 'ی بە پاو سېاسەتەکاو وێش چا ۋەختانە ئەگەر دژو جمېەرو ئازاڎی کوردی جەنگۍ قورسش دەسپنە کەرڎۍ و دەسەڵاتەکەش کۊتۍ مەترسیۊ بە نەرمی ھەڵسوکۊت کەرۍ و ئینەی پۍ درێژە دای بە دەسەڵاتەکاش کەرۍ بە بنەما ، چا دیمۊ چن دیڎارۍ ساز کریۍ، دماو ئانەی کەڕەتۍ تەر حکومەت و ' ئاکەپەی ' تەنگش پنە ھورچنېا جە دماېېەکاو ساڵەو ٢٠١٢و سەرەتاو ٢٠١٣ ی دېڎارش چنی ڕابەر ' ئاپۊی ' سازکەرڎ . سەرڎەمێوە تازە دەسش پنەکەرڎ کە سەرڎەمو مڎرای جەنگی بۍ ، چا ۋەختەنە چن دېڎارێ سازۍ کریۍ، دېڎارەکۍ ئۊسلۊې کە ئێمە دلێشەنە حضورما بۍ ، دماېشان پنە ئاما، سەرڎەمو دیڎارەکاو ئۊسلۊی ساڵەو ٢٠٠٨ دەسشا پنەکەرڎ . جە ماۋەو دېڎارەکاو ئۊسلۊینە چن دېڎارۍ بێنۍ، ئېسە گۊشەگېرېۍ دژوار سەرو ڕابەر ' ئاپۊ 'ې ھەن ، ئینە دەرئەنجامو سېاسەت و گۊشەگېرېن، پێسە چنی جبەرۊ سېاسەتو قڕکەرڎەی دژو گەلو کوردی ملۊ ڕاۋە فشار سەرو گرڎ سېاسەتمەڎارا دېبلۊماتیکی و ھێزە دېموکراسې وازەکا ھەن ، جە گرڎی گرنگتەر سەرو ڕابەر ئاپۊی-چ ئا فشارۍ پەېڕەو کرېا . ۋەرو ئانەی ڕابەر ' ئاپۊ ' ڕاۋەبەرو ئی میلەتینە، ئەگەر سەرو ئې مېلەتېرە سېاسەتو قڕکەرڎەی ملۊڕاۋەو ئا قڕکەرڎەېە بە قوڵې ملۊ ڕاۋە ئا سېاسەتەی جە دژو ڕابەر ' ئاپۊ 'یچ ئینا ئارانە سېاسەتو قڕکەرڎەو پاکتاو کارېن .
*دەوڵەتو ترکېەی دەوڵەتێوی قڕکەرو کۊلۊنېالیستا
دەوڵەتو ترکېەی تەنېا دۊڵەتێوې کۆلۊنېالېست نېا ، مشېۊ ئانەی خاس زانمۍ فرەو جارا واتەنما و دیسانیچ ماچمێشۊ ، دەوڵەتو ترکېەی دەوڵەتێوی قڕکەرو کۊلۊنېالیستا، ۋەختۍ ېۋەم جار ڕابەر ئاپۊ دلۍ گروپ و ' ئاپۊېنە ' ھوستۊ سەرو پەېاو ۋاتش " کوردستان ئەرەگېر کرېان و کۊڵۆنېېە " ۋەلێم بە مختەصی سەرنجش ھوست سەر کە کۊلۊنېېەوە چنېنا ، " ڕابەر ئاپۊ " ئەرگېرې دۊڵەتو ترکېەېش سەرو کورڎسانېۊ پێسە مەېڎانۍ ۋەرفراوانکەرڎەو نەتەوەو
ترکې ھورسەنگنا ، ئاڎ ئېنەش پێسە سېاسەتێۋە سەرەکی ئاشکراکەرڎو واتش کە کۊلۊنېالیست و ئەرەگېرا . سەرنجش ھوست سەرو ئانەی کە نېەت و دۊڵەتو ترکېەې ئانەن کە جە کورڎسانەنە نەتەوەو ترکې ۋەڵا کەرۊۋە گەلو کوردی پاکتاو کەرۊو ئا خاکېە گرڎ کەرۊ بە تورک . ئېسەېچ ئا سېاسەتېە پەېڕەو کەرۊ ، ترکېە ھیشتای دەسبەرڎارو ئا سېاسەتېە نەبېەن وئېسەیچ نکوڵې ، سېاسەت ، دلێنەبەرڎەی ، قڕکەرڎەی ھەن . ۋەختۍ ماچمۍ نکوڵی کەرڎەېما دماېې پنە ئارڎەن ھېچ چێۋۍ پا جۊرە نېا، ھۊرگێرتەو نکوڵې بە مەعناو قبوڵکەرڎەو بېەو ېاساېې و دەستوری و بە ڕەسمی ئەشناساو مافە سروشتېەکان . ئېسەیچ سەرو کوردی فشارۍ فرە دژوارۍ ھەنۍ، وێش جە وێشەنە بېەېش قبوڵ مەکرېۊ، چی ڕوۊ سېاسەت جە دژو "ڕابەر ئاپۊی " سېاسەتۍ پکتاوکارېن، پۍ ئا پاکتاوکارېە ئا گرڎ فشارۍ وزېا سەرو " ڕابەر ئاپۊې " .
*ئەشۊ ئەرەکۊشېاې جە دژو قڕکەرڎەی پتەوتەر کرېۊ
مشۊ پې جۊرە تەماشاش کەرمۍ ، ئەشۊ گرڎ کەس ئانەی وېڼۊ، ئەگەر ئانە سېاسەت و قڕکەرڎەین . ۋەرو ئانەی گۊشەگېرې جە دژو " ڕابەر ئاپۊی " دماېش پنە بۍ و سېاسەت و قڕکەرڎەی سەرو " ڕابەر ئاپۊی " دلێنە برېۊ، ئەشۊ جە دژو قڕکەرڎەو گەلا جواب بە بېەې درېۊۋە . مشېۊ گرڎو گەلې ھورزۊ سەرو پای ۋەرو ئانەی ئەرەکۊشاې جە دژو قڕکەرڎەیمەتاوۊ بۊ بە ئەرەکۊشاېۍ ئاساېې ، بە ئەرەکۊشاېۍ ئاساېې قڕکەرڎەی دلێنە مەشۊ ، مە تاوۊ کە دماېې بە قڕکەرڎەی بارۊ ئەگەر پې شکڵە بۊ سېاسەت و قڕکەرڎەی دلێنە برېۊ .
*ئەشۆ ئەرەکۊشاېۍ فرە لاېەن بەرمۍ ڕاۋە
جە ئېمڕاڵی- چ سېاسەتۍ قڕکەرڎەی ئېنا ئارانە ، ئەشۊ ئی ڕاسیە پی جۊرە بوینېۊ، ئەگەر ئێمە پی جۊرە تەماشەش کەرمۍ، ئێمە بە ڕاسی کۊشېای کەرمۍ . ئەگەر ئەرەکۊشای بە پاو ئانەی بۊ، ئەگەر چا سېاسەت و پاکتاوکەرڎەی ملۊ ڕاۋە، جە دژو قڕکەرڎەی سەرو گەلۍ کۊشیای چنی ملۊ ڕاۋە ، ئەشۊ جە دژو گۊشەگیری جە ئېمڕاڵې- چ بە ئاڕاسەو ئازاڎ کەرڎەو ڕابەر ئاپۊې ھەمان کۊشېای بلۊ ڕاۋە . ئەشۆ ئەرەکۊشاېۍ فرە ڕەھەندو پتەو ڕاۋەبەری کەرمۍ، ئەگەر پێسە گۊشەگیری سەرو زېڼڎانېۍ وېنمێش ئانە بۊ بە خۊتان کەرڎەو مامەڵێۋە زەعېف، پۍ ئانەېچ پەنەوازش بە ئەنە ېاواېۍ قوڵتەری و خۊتانکەرڎەېۍ فراوانتەری ھەن .
چی ڕوۊ جېاواز جە ۋەڵتەری خۊتانکەرڎەی زېاتەر بېەن ېاوان بە ئاستێوی نێم نەتەوەېې .
ھێزە دېموکراسېەکۍ ترکېەې-چ ئانەشا دی ، گۊشەگېری سەرو " ڕابەر ئاپۊی " گرڎو گلێرگەینە ۋەڵا بۊۋە ، ئەگەر ئیسە سەرو گرڎو گلێرگەېۊ ستەمو ئەوەچەوسای بۊ سەرچەمەکەش ئېنا ئېمڕاڵی ،وېناو ئانەېچ فرە گرنگا ، دروس بېەو ئا وشېارېە فرە گرنگا ، کە جە لاو میلەتەکەېچماۋە دېما ، ئا فشارەی چا کرېۊ فشارێۋە کۊمەڵاېەتېن . بەشێوەن جە سېاسەت و پاکتاوکەردەو گلێرگەی و سەرو گرڎو گلێرگەیرە ۋەڵا بېەنۊ . ئا سېاسەتە سەرو گرڎو ھێزە دېموکراسی وازەکارە ۋەڵا بۊۋە ، ئەگەر جە زېنڎانەکا تەرېنە کە سېاسەت و قڕکەرڎەی ملۊ ڕاۋە فشارۍ قورس پی شێۋە پەیڕەو کرېۊ ، سەرچەمەکەش ئانەن گۊشەگېری سەرو " ڕابەر ئاپۊی " ھەن .
*خۊتان کەرڎەی جە سەرنیشتو کورڎسانی گرنگا
چی مەجالەنە ئێمە ئەرەکۊشای جە دژو گۊشەگېری سەرو " ڕابەر ئاپۊی " فراوانتەر کەرمۍ. ھەدەپەېېەکۍ ۋەرو دەمو وەزارەت و داڎېنە ئێشکگیرې مکەرا ، سەرداو پارێزەرەکاېچ سەرو ئاست و نێم نەتەوەېېنە ھەن ، سەرداو ھێزە دېموکراتیەکا ھەن ، ئېنە گرنگێنۍ ، گەلەکەیچما جە گرڎ ېاگێوە خۊتانکەرڎەیش چنە کەرۊ جە " ئۊروپا ، ۋەرنیشت ،
سەرنیشت ، پانیشت " گەلەکەما خۊتانکەرڎەیش چنە کەرۊ.
سەربارو گرڎو فشارەکا خۊتانکەرڎەی جە سەرنیشت و کورڎسانی گرنگا . گەلەکەما جە مەراسیمو گەشمەرڎانە دروشمەو " بژېۊ سەرۊک ئاپۊ "ی واچێنۍ ، ئەشۆ ئێمە جە ۋەران ۋەرو گۊشەگېرېنە وشېارۍ بیمۍ ، بەبۍ ماڕاو ئا گۊشەگیرې و سېاسەت و قڕکەرڎەېە ڕاو دېموکراتی بېەې مەکرېۊۋە ۋەر بە قڕکەرڎەی مەگېرېۊ . چی ڕوۊ مشۊ گرنگتەرېن ئامانج وئەرەکۊشاېما ھۊرگێرتەو گۊشەگېری بۊ سەرو " ڕابەر ئاپۊی " و مسۊگەرکەرڎەو ئازاڎی ئاڎی بۊ ، ئەشۊ ئەرەکۊشای ئازاڎې گەلو کوردی ئەرەکۊشای پۍ ماڕاو سېاسەت و قڕکەرڎەی سەرو گەلو کوردی ئەرەکۊشای پۍ ھورگێرتەو گۊشەگیری ئەرەکۊشای پۍ ئازاڎی " ڕابەر ئاپۊی " جە ھەمان ۋەختەنە و بە شکڵێۋە پتەو ئەنجام درېۊ، ئا ۋەختە متاومۍ گۊشەگېری دلێنەبەرمۍ .
*کوردەکۍ زنجېرەو قڕکەرڎەېشا پڕچنان
پۍ چی ئا گرڎ فشارۍ جە " ڕابەر ئاپۊی " کرېا ؟ وەڵتەرېچ واتما ؛ ۋەرو ئانەی " ڕابەر ئاپۊ " گەلو کوردیش بە ئەندێشێۋە ئازاڎ ېاۋنا، ۋەرو ئانەی ھۊش و ھزرو نەتەوەیش دلۍ گەلو کوردینە وەشکەرڎو گەلو کوردیش کەرڎ بە گلێرگێۋە ڕێکوزېاو کوردش کەرڎ بە شکۊمەنتەرېن گەلو دنېۍ ، ۋەرو ئینەی دوژمناېەتی " ڕابەر ئاپۊی " مکرېۊ بەڵکم ئیسە گەلو کوردی ېۊن جە گەلە شکۊمەنڎەکا دنېۍ . ۋەختۍ گەلو کوردی بی بە گەلێۋە شکۊمەنڎو دنېۍجە دنېانە خۊتانکەرڎەیشا چنە کرېاو ئەشناسېا، ئېنە جە ۋەران ۋەرو سېاسەت و پاکتاوکاری سەرو گەلو کوردینە بۊ بە گورزێوی گۊرە ، ۋەڵتەر چێشا کەرڎ ؟ بەرەو جەھانیشا سەرو کورڎسانې-رە ھوستەبێرە ، پێسە ئانەی کورد ھەر نەبۊ زوڵمو ستەمێۋە پېشێۋە کرېۍ، ۋەلۍ ئارۊ کورد ئا کۊت و زنجیرشا ماڕان .
ئێمە پا وزمۍ ساڵەو (٢٥)مو گێرتەو " ڕابەر ئاپۊی " ئەشۊ پتەوتەر جە جارا بە ئەرەکۊشاېساڵەو (٢٥)می کەرمۍ بە ساڵەو ئازاڎېې " ڕابەر ئاپۊی " سەرو ئا بنەمۍ من جارۍ تەر سڵام جە " ڕابەر ئاپۊی " مکەرو. بە ئەرەکۊشاو وێما بە پەشتېوانی گرڎو گەلەکەېما " ڕابەر ئاپۊی " ئازاڎ کەرمۍ ، ئێمە دەسبەرڎارو ئازاڎی " ڕابەر ئاپۊی " مەبېمۍ ئێمە ئەرەکۊشاو وێما پۍ ئازاڎکەرڎەو " ڕابەر ئاپۊی " ۋەردەوام بەرزو گەش مکەرمۍ .
*گەشمەرڎا پاریسی وگەشمەرڎا مانگەو کانونی دووەمی بە ڕێزۊ ۋېرمارمێۋە ھەڤاڵ " ساکېنە جانسزە " کە ېۊنە جە ئەرەمەرزېاېا پارتېما ھەڤاڵ " لەېلا شاېلەمەزو فېدان دۊغان "ە کە ساڵەو ٢٠١٣ بەشێۋێۋە دڕنڎانە تېرۊرکرېۍ ، بە ڕێزو شکۊۋە وېرشا مارمێۋە.
جە دەېەم ساڵېاڎو شەھېڎبېەېشانە ئەنڎامو دەسەو ۋێڕاۋەبەرېما ھەڤاڵ " ئەڤېن"ە ھونەرمەنڎ " مېرپەروەر" و ۋڵات پارێزې ۋەشەوېس " عەبدولرەحمان کزل " بە ڕێزو شکۊۋە ۋېرشا مارمێۋە .
ھەڵبەتە جە مانگەو کانونی دووەمېنە چنڎېن ھەڤاڵۍ ئازېزێما گەشمەرڎۍ بېۍ . جە مڎرامان وۋێڕاۋەبەرېنە ھەرېۊ جە " سێڤۍ دەمېر ، فاتمە ئوېار ،پاکېزە ناېر " تېرۊر کرېۍ . ئاڎێچ گەشمەرڎۍ گۊرۍ مڎرامان و ۋێڕاۋەبەرېنۍ، ئا گەشمەرڎۍ نېشانەشا داېمۍ کە تەئسېرو ژەنا
چا مڎرامانانە چن پتەوو گۊرەن تاوو ۋاچو مڎرامان و ئاڎېشا بە ھەڎەر مەلۊ ، ئەرەکۊشاو ئاڎېشا جە پاو ۋێڕاۋەبەرېنە ، ئەرەکۊشاېشا پۍ ۋێڕاۋەبەری دېموکراتېکی بە دڵنېاېۊ بە ئاکام مېاوۊ .
ئاڎۍ ئامانجێشا گێرتەنە ۋەر ئیسەېچ پۍ ئا ئامانجېە ئەرەکۊشای کەرا ، ئېتر مەبۊ مرۊڤ دەس چا ئامانجا ھورگێرۊ . ۋەرو ئا ئامانجېە چا ڕێنە شەھېڎۍ فرێما بەخشێنۍ .
ھەرپاسە جەمانگەو کانونې دووەمېەنە ھەڤاڵەی شکۊمەنڎەما ھەڤاڵ " ڕوبار " ە کە جە ساڵەو١٩٧٦ بە دماۋە دلۍ ئەرەکۊشاو ئێمەنە بۍ ، ھەڤاڵ " خەلېل و ھەڤاڵ موراد " کە جە ساڵەکاو ١٩٨٠ ېوە دلۍ ئەرەکۊشاېنە بێنۍ چی مانگێنە گېانشا بەخشا . ئاڎۍ ھەڤاڵۍ فرە ئازېزۍ ئێمەنۍ چی ئەرەکۊشاېنە ڕەنج و مانېاې ھەڤاڵ " ڕوبار "ۍ ېەکجار فرەن ، ئا ۋەختەی ئاما دلۍ جمېەرەکەېما ھەڤاڵێۋە جۋانە بۍ ، کرێکارەو ئاسنی بۍ جە بېناکانە ھەرمانەو ڕێکوستەو ئاسنې کەرۍ . ھەڤاڵێۋە پی جۊرەبۍ ڕەنجۍ فرەش کێشا ، بنەېانەکەشا
گرڎ ڕەنج و زەحمەتی فرەشا کێشان جە ئەرەکۊشاکەېمانە، دووۍ واڵێ تەریچش چی ئەرەکۊشاېنە گەشمەرڎۍ بیێنۍ ، ھەڤاڵۍ چی جۊرەېما گەشمەرڎۍ بېۍ چی مانگێنە ، ئێمە بەدڵنېاېۊ ھەڤاڵاما چنې کورڎسانې ئازاڎی و ڕابەراېەتی ئازاڎی ۋېر وزمێۋە با کەس گومانەش چانەی نەبۊ .
*سارا کارەکتەرێۋە سەربەرزەبۍ
ھەڤاڵ سارا ېۊبۍ جە ئەرمەرزېاېا پارتەکەېما ، جە ھەمان ۋەختەنە پێشەنگەو ڕابەرەو مڎرامانو زېنڎانی بۍ ، ئێمە پێۋەرە گێرتە خانەنە مەنیمۍ ، ھەڵوێس و ڕێبازو ھەڤاڵ سارۍ ڕاس بۍ ، ھەڤاڵۍ پی جۊرۍ بۍ ، ۋەشەویسیش پۍ ئازاڎې ،ئەۋېن و ئازاڎی دلۍ دڵېشەنە فرە قوڵ بۍ ، ھەڵبەڎ ېۊ چا فاکتەرە گرنگا کە ئاڎەش دروسە کەردە ئا کۊکوشېەنە کە جە دێرسېمەنە ڕووەش دا، گلێرکوشی دێرسېمی پۍ کورڎسانی ڕوەداو گەلۍ گرنگێنۍ بە دەېەھا
ھەزار ژەنی و زارۊڵۍ پېرۍ کۊکوش کرېۍ سەرۊکەکۍ گەلی جە دەرسېم کۊکوش کرېۍ و جەدار درېۍ ، بە دەېاھا ھەزار کەسێچ ئاوارۍ کرېۍ تا ئیسەیچ کناچۍ بۍ سەرو شۊنۍ جە دەرسېم ھەنۍ ، ئا کناچێشا پۍ ۋێشا کەرڎۍ بێنۍ بە خزمەڎکارو ھەرمانەشا پنەکەرێنۍ و تا ئیسەېچ ئا کناچۍ بۍ سەرو شۊنێنۍ .
ئېنە فاکتەرۍ فرە گرنگێنۍ کە تەئسېری فرە قوڵشا سەرو ھەڤاڵ سارۍ نېارە ، تامەزرۊېې ئازاڎی و ئەرەکۊشای دڵ و ئاېڎێنە گەش کەرێنۍ ، جە لاېۍ تەرۊ پێسە ژەنۍ ھەست پانەی کەرۍ کە چێش ملو ژەنارە ئامان چې مەجالەنە پێسە ھەڤاڵێۋە ژەنۍ سەرەتا پێسە جەنگاۋەرۍ
بەشڎاریش جە ئەرەکۊشاېنە کەرڎ ، ڕەنگ جېاېې جەنگاۋەرا ژەنێش نېشانە دا بە گرڎو ژەنا کوردیش وات کە ژەنی متاوۆ گرڎ چێۋە دەس وزۊ .
" ڕابەر ئاپۊ " ئا ۋەختەی خەتەو ئازاڎی ژەنێش ۋەڵۍ وستە ، جە لاېێۋە پەشتیش بە تارېخ و گەلو کوردی بەستە چونکېم ئی خاکە گلێرگەو نېۊلېتېکېش مەرزنانەرە ، مرۊڤاېەتې بە ڕەنجوژەنا ئې جوگرافېاېە و گلێرگەو نېولېتېکیش خولقنان . ۋەختۍ کە خەتەو ئازاڎی ژەنۍ سەرو ئی بنەماېەو تارېخو ئەېڎاېا گەلو کوردی مەرزېارە ، جە لاېۍ تەرۊ پۍ ئاردەی دې ھېواکا ژەنا قارەمانۍ پێسە " سارۍ " و ژەنا خەتەو ئازاڎېې ژەنێش بەرڎ ۋەڵۍ .
*ھەڤاڵ سارا ېۋەم ۋەڵۍ کۊتەو ژەنانە
ھەڤاڵ سارا جە ۋەڵۍ وستەو خەتەو ئازاڎی ژەنۍ خۊتان ڕۊڵۍ گۊرێنە، ۋەڵۍ کۊتۍ ېۋەمەنە،
ھەڤاڵ سارا ئیراڎەو ئازاڎی ژەنێش نیشانە دا، ھەڤاڵێۋە بۍ کە بۍ دەس وستەو ئازاڎی ژەنا گرڎ قوربانېێۋەش دان و ڕەنجۍ فرەش کێشان ، چێگەنە بە دەرفەتش مزانو بە ڕێزۊ ېاڎو ھەڤاڵ سارا کەرۋە ، بەڕاسی چنڎېن ساڵۍ پێۋەرە گێرتەخانەنە مەنیمۍ ، مڎرامانو ھەڤاڵ سارۍ ورەو وزە بە گرڎ کەسی بەخشۍ ، پێسە ھامڕێۋە ژەنۍ ھەڵوێس و ئاېڎە چێرو ئا گرڎ
فشارانا نەک ھەرپۍ ئێمە گێرتا کوردی بە ڵکم پۍ گرڎو گێرتای تەریچ گێرتەخانەنە ورەو بەرخودانەبۍ ، ھەر چی ڕوۊ بە دڵنېاېۊ ئەرەکۊشاو ئاېڎۍ جە چوارچێۋەو خەتەو ئازاڎی ژەنۍ نەک ھەر جە کورڎساننە جە تەمامو جەھانېەنە جێبەجۍ کرېۊ ، ئیتر ژەنۍ خۊتان کەرڎەی جە ھەڤاڵ سارۍ مکەرا " سارا " ئېتەر تەنېا ۋەرھەنگامەو ژەنا کوردی نېەنە بېێنە ۋەرھەنگامەو گرڎو ژەنا جەھانی ، " سارا " جەنگش کەرڎ کتێبێش بە نامۍ " ژېواېم ۋەردەوام جەنگەنە بۍ" نوېست بە ژەناش وات بەبۍ جەنگ ئەرەکۊشای ئازاڎی مەکرېۊ بەڵکم بە جەنگ کرېۊ خاستەربۊ، سارا ئانەش ۋەرو چەما گێرت جە ېۋەم ڕۊۋە تا گەشمەرڎە بېەېش ئەرکۊشاېش کەرڎ . ۋەرو ئانەی من گرڎو گەشمەرڎا مانگەو کانونې دووەمی بە ڕێزۊ ېاڎ کەرووە .
*ھەڤاڵ " ئەڤېن گۊېې" ژېۋای ۋێش پۍ ئەرەکۊشای تەرخان کەرڎ
ھەڤاڵ " ئەڤېن گۊېې"ە ھامڕامابۍ ، ئەنڎامەو دەسەو ۋێڕاۋەبەریما بۍ ، ڕۊڵێۋە مەنتېقەو بۊتانی بۍ جە بۊتانەنە ئەرەکۊشایش ڕاۋەبەری کەرڎەن دماتەر بېێنە بە ئەنڎامەو دەسەو ۋێڕاۋەبەری ، جە دەسەو ۋێڕاۋەبەرینە خەباتش کەرڎەن ئەڤېنە کرێکارە بۍ ھەڤاڵێۋە ساڎېێ و ساکارە بۍ گەرەکش بۍ ئا ئەرکەی کە ڕێکوستەی پنە ئەسپاران جە بەرزتەرېن ئاستەنە پارێزنۊش بە سەرکەوتەې بە ېاگێش بېاونۊ ، گرڎو ژېوایش پۍ ئەرەکۊشای تەرخان کەرڎ ،
جە دلۍ دەسەو ۋێڕاۋەبەریچەنە ھەر پی نمەتە ھەرمانەش کەرڎەو ېاگۍ وێش کەرڎۆ . دماتەر لۋا پۍ ۋەرنیشتی ، جە ۋەڵێوستەو ئەرەکۊشاو ئازاڎی جە ۋەرنېشتەنەو جە ۋەڵې وستەو شۊڕشېنە جە ئەرەکۊشاو دلۍ بەرڎەو داعشېنە بەشڎارەبۍ ئا ۋەختەی جە ۋەرنېشتو کورڎسانې بۍ جە جەنگو داعشېنە کێشەو گرفت و تەندروستېۍ قورسش بۍ جەنگەنە زامڎارە بیە پۍ ھورگێرتەو چارەسەری و عەمەلېاتی لوا پۍ فەرەنسای، ۋەختۍ جە فەرەنسانە چارەسەری ھورگێرۍ جە ئەرەکۊشاې ۋەردەوامە بۍ ، شەھېڎ بېەېش پی جۊرە بۍ ، ېاڎو ھەڤاڵ " ئەڤېن"ۍ گرڎ ۋەختۍ بەرز ڕاگێرمۍ ، ژەنۍ بۊتانۍ سەرو خەتەو ئەڤېنەکا گوڕ بە ئەرەکۊشای مڎا .
دماو گەشمەرڎە بېەو " ئەڤېن گۊېې " بە ماوێۋە کەم جە مەنتېقەو شەنگالی جە ھجومێوی چەپەڵانەنە ھەڤاڵەی بەشکۊما ھەڤاڵ " مەنال "ە تېرۊرەکرېا کە چنڎېن ساڵۍ گێرتەخانەنەبۍ بە دەېەھا ساڵۍ پۍ ئازاڎی گەلو کوردی ئەرەکۊشایش کەرڎ، جە ھەمان ۋختەنە ژەنێۋە ڕەنج کێشەبۍ گرڎو ژېوایش پې ئەرەکۊشاېە بەخشا ، دماو ئانەی گێرتەخانەنە ئازاڎە بېە پۍ ھامکاری و پەشتېوانی کەرڎەو ۋێڕاۋەبەری شەنگالی ئاما کەش و دماتەر ڕووەش کەرڎە شەنگال پۍ پارێزناو گەلو ئێزیدی و پەشتېوانې جە گلێرگەو چێردەسەی ، چێردەسەترین لێژەش کە لێژەو گەلو کوردی بۍ و ڕوە ڕوو دلێنە بەرڎەی بېەبۍ . پێسە شۊڕشگێڵۍ کوردی
پۍ پارێزناو مەنتېقەکەېو گەلە چێر دەسەکەیچ ڕوەش کەرڎە شەنگال . ئەشۊ گرڎو کوردی خۊتان کەرڎەیش چنە کەرۊ ، ئەشۊ گرڎو کوردی خۊتان کەرڎەی جە شەنگالې کەرۊو پارێزنایش ئەرکێوە ئەخلاقی و سېاسین کەس مەتاوۊ بە ھېچ کوردۍ واچۊ چې ملی پێ شەنگالې گرڎو کوردی بەرپرسېاریشا ھەن کە بلا پارێزگاری جە سەنگالی و گەلو ئێزیدی بکەرا، پې بۊنۊ ېاڎو ھەڤاڵ " مەنال "ۍ بەرز ڕا گێرو .
گەشمەرڎێۋە تەری ھەمڕاما ھەڤاڵ " دەنېز " کە ساڵەی وېەرڎۍ جە ڕووەداېێنە گەشمەرڎەبی
جە نزېکۊ ئەشناسێناش، بە ڕاسی فرە خاس ېەکتری ئەشناسێنمۍ چنی واچمۍ پێسە بۍ " ئاوۍ پاکۍ پێسە فریشتەی بۍ " ھەڤاڵۍ پی جۊرە بۍ ، خەڵکو مەنتیقەو " بازېد، سەرحەدی "
بۍ ، ھامڕێۋە فرە بەقېمەت بۍ ، جە سەرەتاۋە تا دماېې پۍ ئەرەکۊشای ژېواو ۋەشەویسو گرڎ کەسی بۍ ، بە ڕاسی پۍ ئێمە بە ئێش بۍ ، کرېۍ جەنگەنە گەشمەرڎەبۊ ڕەنگە جە ۋەرەن ڕوو دوژمنېەنە گەشمەرڎەبېۍ ئێشس کەمتەربیۍ ۋەلێم ۋەختۍ بە ڕوەدای گەشمەرڎەبی ئانە پۍ ئێمە فرە بە ئێش بۍ .
با گرڎو ھەڤاڵ و دۊساو ھەڤاڵ " دەنېز "ی و بنە ېانەکەیچشا خاس بزانا، کە ئێمە فرە ئێشما چەشت ھە ڤاڵێۋە فرە بەقېمەتو ئێمە بۍ ، جە نزېکۊ ئشناسێنمێش، بە دڵنېاېۊ خۊتانکەرڎەی جە ېاڎو ئاڎی کەرمۍ ، ئاواتەکاش مارمۍ دی ، ھەڤاڵێۋە پا جۊرەبۍ ، ھەڤاڵێۋەبۍ کە بە ۋەشەوېسېۊ دلۍ ئی ئەرەکۊشاېنە بۍ ، پۍ ئانەی کۊکوشی سەرو گەلو کوردېۊ دماېش پنە بۍ
گەرەکش بۍ گرڎ چێوو وێش بەخشۊ ، ھەڤاڵێۋە گېان بەخش بۍ ، ۋێش جە ۋێشەنە سەرپەرشتی ھەڤاڵا فېداېې کەرۍ ، بە ڕێزۊ ېاڎش کەرمۍ .
ھ.ئ
