ساختەکاری پەدەکەی جە دەنگداینە: خەڵک جە سەرنیشتۆ ئامێنۍ پەی هەرێمی
ئەرەیاۋییا کە پەدەکە ژمارێوە فرەش جە سەرنیشتوو کورڎەسانیوە ئارڎێنۍ هەرێمو پانیشتوو کوردەسانی و پەی دەنگدای بەکارشا مارا.
بە پاو هەواڵێوە ئاژانسو رۆژنیوزی، پەدەکە ژمارێوە فرەش جە خەڵکی بە پاسپۆرتی تورکیوە بەردێنۍ ئیدارەو سەربەخۆو سۆرانی سەر بە هەولێری پەی ئانەی دەنگ بڎا.
وەڵتەر و جە ١٥و ئۆکتۆبەرینە ئەرەیاۋییابۍ کە ١٥٠٠ کەسۍ جە سەرنیشتوو کورڎەسانیوە بریێنۍ پانیشت پەی ئانەی جە دەنگداینە بەکارشا بارا و ئا هەرمانێچە بە هامکاری و ئاسانکاری دۆڵەتو تورکی ئەنجام مڎریۆ و بەشێوە فرەو ئا کەسا جەردەوانێنۍ.
