بە قسێ هەواڵێوی ناوەندوو ئەرەیاونای و چاپەمەنی قەسەدەی ژماریوە وەرەچەم جە شێخ و کەسایەتیاو کورد و عەرەبی و نوێەراو پێکئامایەکاو هەرێموو سەرنیشت و وەرکەوتوو سوریای چەنی ئەنداماو فەرماندەیی گردینو قەسەدەی کوێ بیێوە. ئەرەیاونیا پەرسەو کۆبییەیوەکەی قەراەکاو دووەم کۆبییەوەی یۆبییەی نیشتیمانی هۆز و پێکئامایەکاو سوریای بییەن.

ئەریاونیا کۆبییەیوەکەنە ف٤ەرماندەیی گردینوو قەسەدەی مەزڵوم عەبدی، ئەنداموو فەرماندەیی گردینوو یەپەژەی رۆژهەڵات عەفرین، بڕێو جە کەسایەتییەکاو کورد و عەرەبی و نوێنەراو پێکئامایەکاو سەرنیشت و وەرکەوتوو سوریای ئامادێ بێنێ.  

بەپاو هەواڵەکەی،  کۆبییەیوەکەنە چەنەوەشبییەی ئیدارەو وێڕاوەبەرییەکەی کە چی دماییوە بەرش کەردەبێ، جە بەرکەردەی کۆچبەراو  هەرێموو سەنیشت و وەرکەوتوو سوریای، هەرپاسە میکانیزمەکاو بەیاگە یاونای قەرارەکاو دووەم کۆبییەیوەی نیشمانیی هۆزە و پێکئامایەکاو سوریای قسەوباسشا بارەوە کریا.

کۆبییەیوەی یۆبییەی نیشتمانی هۆز و پێکئامایەکاو سوریای ٢٥و ئایارینە بە بەشداریی ٥ هەزار کەسا حەسەکەنە ساز کریابێ، کۆبییەیویەکەی لاو ئیدارەو وێڕاوەبەریی مەسەدە و قەسەدەیوە ڕێک وزیابێ و دلێشنە ئی قەرارێ بەرێ کریێبێنێ:

"- دەسما پەی ئاشتی درێژەن. مەژگما پەی دیالۆگی و واتەواچی ئەوەکریان ، ڕاو ئاشتی و دیالۆگیوە متاومێ پەیوەندیێوی خاس چەنی گەلاو هەرێمەکەی و وەڵاتەکاشا ساز بکەرمێ.

- متەی ونەو سورییەکا بە دەسوو سوورییەکا حەراما، ئێمە داواو ئاشتی و سەقامگیریی مکەرمێ.

-تیرۆری ڕەت مکەرمێوە، کۆشیای وەراوەروو ئانەیوە گرنگەن، ئێمنە نەژادپەرسیی سەروو بنەماو نەتەوەیی ئاینی و ڕەگەزپەرسیوە ڕەت مکەرمێوە.

-ئێمە بڕواما بە بەهاکاو دیموکراسی، مافەکاو ئینسانی و ئازادیی هاموەڵاتا هەن.

-سوریا وەڵاتێوی یۆگێرتە و ناوەندییا، بەشوو گردوو قەومەکاش مکەرۆ.

-ئا کەسێ دەسشا لوان ونەو سورریەکا هەرمانە بکریۆ تا، بگنانێ وەروو چەنەوەشبییەی گردینی و دمایی تێکەڵێ گلێرگەی بکریانێوە.

-بە پاو توانایەکاو وەرو دەسی و بە پاو پێویسەییەکا خزمەتگوزاریی ڕوانەی دابین بکریۆ.

-گرنگی بە کەرتەکاو کشتوکاڵی، بەرهەموو ئاژەڵداری و بەشەکای تەری بدریۆ.  

-بابەتوو کۆچبەرا کەمپەکانە و گرووپەکای تەری گەرەکشانە کە بگێڵانێوە پەی یاگێ وێشا وەرەچەم بگێریۆ.

-بە گردو رێباز و توانایوە دژوو ماددە هۆشبەرەکا، کە تەرستینێ پەی سەروو ئایندەو گەلاو سووریای، بکۆشییۆ".