سکۆتلەندانە کۆنگرەو یۆبیەی سەندیکاکاو ستکۆتلەندای (STUC) کە ٥٥٠ هەزار ئەندامۍ جە ٤٠ سەندیکایاوە، وە ٢٠ ئەنجومەنۍ سەندیکایێش هەنۍ. بۆنەو دووەمین ساڵوەگەڕو هەڵمەتەو 'ئازادی پەی عەبدوڵا ئۆجالانی' نامێوەش کیاست پەی داڤید لاممی وەزیرو جبەرو بەریتانیای. جە بارەو نماەکەیۆ، داڤی مۆخهان یاردیدەرو سکرتێرو گرڎیی STUC جە دووەمین ساڵوەگەڕو هەڵمەتەکێنە ۋەردەمو بیناو سەندیکاکەینە ئەرەیاۋنێوەش دا و ئاماژەش بە گۆشەگیری ٢٥ ساڵەو سەرو ڕابەرو گەلوو کوردی عەبدوڵا ئۆجالانی کەرڎ و واتش: "ئۆجالان جەنگەوانو ئازادییا، نوێنەر و سەرچەمەو گەلەکەیشا. پۊکەی مشۆم ئینگلتەرا فشار جە تورکیای بکەرۆ  و داواو ئازدکەردەی ئۆجەلانی بکەرۆ."

'پەنەوازا دۆڵەتا هەڵوێس هۆرگێرا'        

سکرتێرو گرڎی STUC ڕۆزا فۆیەر کە بە ئیمزاو ۋێشۆ نامەکەش بەنامونیشانو 'ئازادی پەی عەبدوڵا ئۆجالانی' پەی شالیارو جبەری ناردەن. ئاماژەس بە دلێیەکەیش کەرڎو واتش: " جە نامەکەنە ئاماژەکریان پانەی کە ماوەو چڼین ساڵان جە نزیکۆ ئاگاڎارۍ فشارەکا دۆڵەتا تورکیا، ئێران، سوریای و عێراقینمۍ سەرو گەلوو کوردی و ئانێما گرڎ چنی شالیاری وەڵینو جبەری هامبەشیپنەکەردەن. باوەڕیما هەن کە چارەسەرو گرڎو کێشەکا عەبدوڵا ئۆجالان و ئازاڎکەردەیشا. وە گۆشەگیری سەرو عەبدوڵا ئۆجالانی شێوازێوەن جە ئەشکەنجەی و نمەبۆ هیچ دۆڵەتێوە جە ۋەرا ۋەرو ئی پاشێلکارییەینە بێدەنگ بۆ."

داواکاری جە حکومەتی شانشینی یۆگێرتەی(بەریتانیا)

جە نامەکەو STUCینە داوا جە حکومەتو شانشینی یۆگێرتەی کریان جە بارەو ئازادی جەسەیی ڕابەرو گەلوو کوردی عەبدوڵا ئۆجالانیوە هەنگامەی پەنەوازە بنیۆ و ئی دواکاریۍ ئامێنۍ:

"ڕجاتا ۋنە مکەرمۍ بەنامۍ حکومەتو شانشینی یۆگێرتەیۆ داوا جە حکومەتو تورکیای بکەردۍ ڕا بە چەمپنەکۊتەی عەبدوڵا ئۆجالانی چنی پارێزنەرا و بنەیانەکەیش بڎۆ. پېسە هەنگامېوە گرنگۍ پێوەس بە چارەسەری پرسەکا کوردیوە جە تورکیانە، ئۆجالان ئازاڎ بکریۆ.

-داواتا ۋنە مکەرمۍ ئاگاڎارو کۆنسەو ئەوروپای و سی پی تی بکەردێوە، سەبارەت بە سەردای ئیمراڵی زانیاری زیاتەر وەڵابکەراوە دمایی بە گۆشەگیری بارانە.

-دواتان ۋنە مکەرمۍ پێوەس بە ئاژەو ئۆجالانی و گفتوگۆکا دەربارەو پرسو کوردی، جە ڕاو ئێمۆ زانیاری بڎەیدۍ بە گلێرگەو کوردی جە سکۆتلەندانە."