سەرکردێوە حەماسی: ٨٠٪ کۆنترۆڵو غەززەیما جە دەسدان
حەماس کە ماوێوە فرە دەسەڵاتدارو غەززەی بێ، ئەرەیاوناش دماو چن مانگێوە جە هرووژمەکا ئیسرائیلی سەنە ٨٠و کۆنترۆڵو هەرێمەکەیما جە دەسدان.
باس چانەیە کریۆ ئی پەیامە هینو سەرکردێوە باڵاو حەماسین. ئا سەرکردە جە ڕا و پەیامو دەنگیۆ زانیارییەکێش پەی بی بی سی ئاشکرا کەردێنێ.
سەڎەنە ٩٥و ڕاوەبەرا حەماسی کوشیێنێ
سەرکردێوە سەروازی بە پلەو عەقیدی کە نامێ وێش ئاشکرا نەکەردێنە ئاماژەش پانەی دا کە سەرکردایەتی ئەمنی، سەروازی و سیاسی حەماسی بەتەمامی دلێنە شییەن و واتش: "ئەر ڕاست واچمێ، هیچ چێوێ جە پێکئاردە و ئەمنی نەمەنەن. سەڎنە ٩٥و سەرکردەکا کوشیێنێ، گرڏ و ئانێ چالاکینێ بێکاریگەرێ کریێنی". هەرپاسە ئا سەرکردە ئاماژەش پانەیش دا کۆنترۆڵو ئەمنی جە غەززەنە بەتەمامەتی دلێنە شییەن.
ئا سەرکردە ئاماژەش پانەیش دان جە هەفتەو یوەمو جەنگینە زامڏار بییەن و بەمەڵامەتو کێشەو تەندروستییۆ جە ئەرکەکەیش دوور وزیانۆ. ئی زانیاریێ پێسە و پرۆسەو ئەرەڕما و دلئنە و حەماسی هورسەنگنایش پەی کریان.
بە پاو قسې ئا سەرکردەیە، حەماس جە چن مانگی ویەردەنە بە تایبەتی کاتو ئایێربەسی ٥٧ ڕوەینە چنی ئیسرائیلی هەوڵو سەرجەنۆ بنیادنیا و پێکئاردە و ڕێکوزتەیش دان، بەڵام چنی دمای ئاردەی بە ئێربەستەکەی، ئیسرائیل هرووژمش کەرد سەر و مییانو فەرماندەیی و حەماسی ئنەی تەر لاوازش کەرد.
