سوھەیلا قازیە کناچۍ قازی محمڎی سەرۊکو کۊمارو کورڎسانی جە مەھاباڎ، ھێزی جە شارو بۊن و ۋڵاتو ئەڵمانیای خوا حافېزیش جە ژیۋای کەرڎ. سوھەیلا قازیە ١١و تەموزو ١٩٤١ی جە شارو مەھابادی جە ئەڎۍ بېێنە، زیاڎ جە ٤٠ ساڵان جە غەریبېنە(تاراوگە) مژیۋۊ.

سوھەیلا قازیە ساڵەو ٢٠١٠ی جە شارو ئامەڎی بەشداریش جە کۊڼفرانسو ژەنا کورڎینە کەرڎەبۍ و ئا ۋەختە قسێش پۍ ئاژانسو ھەۋاڵی دیجلەی کەرڎێبۍ و ۋاتەبێش:'' فرە تامەزرۊو گێڵایۊینا پۍ ۋڵاتی".

ھ.ش