سەردارو یەنەکەی بافڵ جەلال تاڵەبانی بۆنەو دەسپنەکەرڎەو هەڵمەتەو هۊرچنیەو پەرلەمانو هەرێموو کورڎەسانیوە، پەیامێوە ڤیدیۆییش وەڵا کەرڎۆ.

سەردارو یەنەکەی بەبێ نامە بەردەی ئاماژەش بە پەدەکەی کەرڎ، ئەرەیاۋناش هەرێموو کورڎەسانی ماوێوە درێژا ئینا چېرو دەسەڵاتو یەک پارتینە و تەئکیدش کەرڎۆ کە ئی پارتە خاکو کورڎەسانیش ورەتەن بە دژمنا کورڎی.

سەردارو یەنەکەی واتش: "مشۆم هاموڵاتیەکێما هەست بە ئارامى بکەرا نەک پېسە ئیساتۍ درۆنۍ وڵاتا سەرو ئاسمانمانیمارە خولیاوە و ڕووانە هاموڵاتیا کوشا و کەسیچ نتقش چۆوە نمۍ".

هەرپاسە ئەرەیاۋناش ئا پارتەی جە هەرێموو کورڎەسانینە دەسەڵاتدارا گرڎو سەرنجىش ئینا لاو کیسەو ۋێشۆ و ڕا نمەڎا بەغڎا مەعاش و فەرمانبەرا بکیانۆ و ئینەیچ گەمەکەردەین بە هاموڵاتیا.

تاڵەبانی ئەرەیاۋناش وەڵتەر هەرێموو کورڎەسانی جە ئاستو گلېرگەی مېیاندەوڵەتىنە حورمەتۍ فرەش ۋنەگیریۍ، چونکی ئازادیى بۍ، بەڵام ئیساتۍ نوویسەرا و ڕۆنامەنوویسا سەرو نوویستەی وتارێوە گیریانە و تۆمەتەو تیرۆریشا مڎریۆ پاڵ.

جە دما دماینە واتش: "لاو ئێمە ناوچەکۍ هەرێموو کورڎەسانی جیاوازىشا نییا و ئەگەر هاموڵاتیەکێما متمانەما بڎا پنە هیچ جیاوازیێوە نمازمۍ".