ڕاوڕسمەکە جە هۊڵوو پارتوو یۊبییەی دیموکراتی (پەیەدە)  "تربەسپی"ینە کریا. بە دەیان ئەرەنیشتۍ، بنەیانەو گەشمەرڎا، نوێنەراو دەزگاکاو وێڕاوەبەریی هەرێموو جزیری و پارتە سیاسییەکۍ بەشڎارییشا جە ڕاوڕسمەکەنە کەرد.

جە یاگۍ ڕاوڕسمەکەینە، ڕسموو "عەبدوڵڵا ئۊجەلان"ی ڕابەروو گەلوو کورڎی و گەشمەرڎا ور واسیێنۍ.

دماو دەیەقۍ مرڎای و ڕێزگرتەی، ڕسموو ٢٩ گەشمەرڎا هەپەگە\ یەژەئاستار، یەپەگە و یەپەژە، هێزەکانی ئاسایشی دلۍ، پۊلیسوو هامووشۊی و تەڤگەر و گلێرگەی دیموکراتی (تەڤ – دەم) نیشانە دریۍ و گۊش جە قسەکاو ڕابەر "ئۊجەلان"ی  بارەو گەشمەرڎاوە گیریا.

دماتەر "حەج عەبدی خەلەف" ئەنداموو ئەنجومەنوو بنەیانەو گەشمەرڎاو "تربەسپی"ی قسێش کەرڎۍ و ئاماژەش بە پەلامارەو چەتەکاو "جەبهە ئەلنوسرە، داعشی و دەوڵەتی ئەرەگیروو تورکی کەردە و ئەرەیاوناش، کناچۍ و کوڕۍ ئی هەرێمی دژوو هجوومەکا مدرامانشا کەرد و پەلامارەکێشا مرڎنۍ و ماڕێشا.

"عەبدی" قەرارش دا، کە تا خەیاڵوو گەشمەرڎا پەی بنیاڎنیای گلێرگێوە ئازاڎی و دیموکراتی نۍ دی، کۊشیایشا گەشتەر بۊ.

دماتەر نامۍ ٢٩ گەشمەرڎەکەی ونیاوە و ڕاوڕسمەکە بە درووشموو ' گەشمەرڎۍ مەمرا' دماییش ئاما.

س.ز