بە مەڵامەت و ۋاراو ۋەرۋێۋی فرێۋە جە ھۊرامان و ۋەرکۊتو کورڎسانی ، ناڕەحەتېش پۍ ئاماو لۋای ۋەش کەرڎەن ماۋەو دوۋۍ ڕوۋان خەتەکۍ ئېنتەرنێتی جە چن مەنتېقێۋەنە مڎرێنۍ .
چنی ۋاراو ۋەرۋێۋی فرۍ جە مەنتېقەو ھۊرامانی ڕاو ما بەینو پاۋەو – سەوڵاوای جە گەرڎەن و ژاڵانەیۊ کۊتێنەرە ، کە دوۋۍ پارێزگۍ پێسە کرماشانی و سنەی جە ۋەرکۊتو کورڎسانی پێۋەرە بەسۊۋە .
تا بێستا ۋێڕاۋەبەریەکۍ ڕاو بان و ھەریۊ جە شارەکاو سنەی و کرماشانی پۍ ماڵاو ۋەرۋەکۍ و کەرڎەیۊ ڕێکۍ ھېچ ھەنگامێشا ھورنەگێرتەن .
ھامۋەخت پۍ دوۋەم ڕۊی بە سەرەمڕەو ۋاراو ۋەرۋێۋە جە مەنتېقەو ھۊرامان و تەختی و دەگاکاو دۊرو پەشتېش خەتەکۍ ئېنتەرنێتی پڕچېێنۍ .
ۋەردەوامی پڕچېاو ئېنتەرنێتی و وزیایرەو ڕاکا ئاماو لۋای چا مەنتېقانە کێشەی فرەش پۍ ھامۋڵاتېا ۋەش کەرڎەن و بە تەمامی پەیۋەنڎیشا چنی مەنتېقەکاو تەری پڕچېان .
ھ.ئ
