وەنای دەرس و کورڎی جە بۊچۆڵتی ئەڵمانیاینە دەس پنە مکەرۊ
دماو دووې ساڵا جە کۊششو پارێزگارە کوردەکا، بە فەرمی دەرسی کورڎی جە شارو بۊچۆڵتی ئەڵمانیاینە ونیۆ.
جە ئاکامو کۊششو زیاڎ جە دووې ساڵا جەمەو Bocholt e. V ی کەلتووری میزۆپۆتامیای مېیانی بە دەسوەڵێوستەی پارێزگاو بۆچۆڵتی ئەڵمانیای (Internationaler Mesopotamischer Kulturverein)، دەرسی کورمانجی ئیتر چیولای جە ۋەننگەکانە ۋنیۆ.
Internationaler Mesopotamischer Kulturverein ئەرەیاۋناش جە ۋەننگەکا دۊڵەتینە جە شارو بۆچۆڵتی زوانی کوردی (کورمانجی) ونریۆ و ئاماژەش پانەی دا ڕاوەبەرایەتی پەروەردەو بۆچۆڵتی مامۆسێوەش پەی دەرس و کوردی پەی ساڵۊو ۋەنای ئایندەی تەرخان کەرڎەن.
ئیدارەو جەمەکەی ئەرەیاۋناش دەرسەکې کوردی جە شارو بۆچۆڵتی جە لایەنو مامۆسې بەئەزموونې زین حەسۆی ئەسەنێوە وچیۆوە، هەرپاسە ئەرەیاۋنانیچش جە ساڵۊو وەنای ٢٠٢٥/٢٠٢٦ دماو ئیسراحەتو هامنی دەرسەکې وەنای دەسپنەمکەرا.
مامۆسا زین حەسۆ کە خەڵکو ئامەدینە و ئەڵمانیانە ئەرەنیشتێنە سەبارەت بە گرنگی زوانی کوردی واتش: "ۋەرو ئانەی کوردی زوانو ئەڎێما، پەی شکلگێرتەی شوناسەکەیم دەورێوە فرە گرنگش هەن. ۋەرو ئانەی جە وڵاتەکەمەنە زوانی کورڎی قەڎەغەن، کوردی پەی من بی بە هېماو سەرکۊتەی و مڎرامانوو گەلو کورڎی. جە دنیانە حیچ زوانێوە نیا ئاڼنە چېرو فشاری و زوڵمینە گەشە بکەرۆ."
جە دمادمایی قسەکاسەنە زین حەسۆ داواش جە ئەڎا و تاتا کورڎی کەرد پەی ئانەی زاوڵەکێشا پەروەردەو کوردی بوینا، داواکاری پێشکەش بکەرا و واتش: "جە وڵاتەکەمانە وەرمێوە بې جە ۋەننگە حکومییەکانە دەرسې بە زوانو ۋێما بۆنە، جە ئەڵمانیانە ئی دەرفەتەما ئینا ۋەردەمەنە. هیواڎارەنا بنەیانە کوردەکې مافو ۋەنای بە زوانو ئەڎایی ۋێشا پەی زاوڵەکاشا فەراهەم بکەرا و ئی مافەیە پارێزنا."
هەرپاسە فۆڕمێوە تۆمارکەردەی نامې پەڕ مکەراوە کە وەردەسا گرڎ زانیارییە پەنەوازەکێش چنەنې و پێشکەش بە ۋەننگەکا زاوڵاش مکەرا. پی جۆرە زاوڵې پۆلو یەک یان ١٠ ی جە ساڵۊو تازې ۋەناینە (ساڵۊو یووەمو ناوەندی و سەرەتایی) بە زوانی ئەڎایی ۋێشا موانا.
ئەر هەر پرسیارێوە بیە سەبارەت بە دەرسی کورڎی، متاودې جە ڕاو ئی ئیمەیڵەیۆ پەیوەندیشا چنی گێردې:
