ئیدارەو ۋێڕاوەبەری دیموکراتیکی هەرێمو سەرنیشت و ۋەرکۊتوو سوریای ئەرەیاۋناش کە ئاڎې پەی قەیرانە مرۆییەکەو سوەیدای کارەوانو هامکاریی دەمودەسیشا ئاماڎە کەردەن. ئەر ڕاڕەوێوە سڵامەت بکریۆوە، کارەوانەکە گنۆ ڕا.
ئیدارەو ۋێڕاوەبەری دیموکراتیکی هەرێمو سەرنیشت و ۋەرکۊتوو سوریای بە ئامانجو پاڵپەشتی خەڵکو سوەیدای، ئاماڎەکەردەی کارەوانو هامکاریی مرۆیی دەمودەسیش پەی ئەرەنیشتا سوەیدای تەمامکەرڎ. کارەوانو هامکارییەکا کە ئیدارەو ۋێڕاوەبەری بە دەوەڵێوستەی ۋێش ئاماڎەش کەرڎەن، چەمەڕاو ڕاڕەوې سڵامەتیا تا هامکاریەکې بیاوا بە ئەرەنیشتا سوەیدای.
کارەوانەکە جە پەنەوازیەکا پزیشکی و مرۆیی پێکمې، بەگوێرەو داواکاریە واوەیەکا خەڵکو سوەیدای ئاماڎە کریان.
ئیدارەو ۋێڕاوەبەری بەرنامێوەش نیانەرە تاوەکو جە ماوەو کەمتەر جە حەفتێوەنە کارەوانەکە بیاوۆ سوەیدا، ئاماژەش پانەی کەرڎ، ئەر ڕێوە سڵامەتە بۆ ئاماڎێنې کارەوانی تەر بکیانا.
ۋەرپەرسا ئی هەرمانې، داواشا کەرڎ دۆسیەی مرۆیی جە پشێویە سیاسیی و سەروازییەکا دوروزیۆوە، ئەسرارشا کەرڎۆ کە چنی ڕێکوزیا مېیاننەتەوەییەکا ئینې پەیوەندینە کە پاڵپەشتیەکا دوور جە بەسیاسیکەردەی بیاوا بە ونەقۆمیایا، زەحمەتییەکې هەرێمەکەی لا بڎریا کە بیێنې بە مەڵامەتوو کەمبیەیۆ ماددەی پزیشکی و واردەی.
